قازاقستان پرەزيدەنتى باس پروكۋرور عيزات نۇرداۋلەتوۆتى قابىلدادى دەپ حابارلايدى Qamshy.kz اقپارات اگەنتتىگى akorda.kz سايتىنا سىلتەمە جاساپ.
كەزدەسۋ بارىسىندا قاسىم-جومارت توقايەۆقا قاداعالاۋشى ورگاننىڭ بيىلعى ءبىرىنشى جارتىجىلدىقتاعى جۇمىستارىنىڭ ناتيجەلەرى مەن الداعى كەزەڭگە ارنالعان جوسپارلارى تۋرالى مالىمەت بەرىلدى.
مەملەكەت باسشىسىنا باس پروكۋراتۋرانىڭ قۇقىق قورعاۋ ورگاندارىنىڭ قىلمىسپەن كۇرەسكە جانە قوعامدىق ءتارتىپتى قامتاماسىز ەتۋگە باعىتتالعان ۇيلەستىرۋ فۋنكسياسىن كۇشەيتۋ جۇمىستارىنىڭ ورىندالۋى جونىندە باياندالدى. سونداي-اق، عيزات نۇرداۋلەتوۆ ازاماتتاردىڭ كونستيتۋسيالىق قۇقىقتارىن قورعاۋ جونىندەگى شارالار تۋرالى ەسەپ بەردى.
قازاقستان پرەزيدەنتى باس پروكۋرورعا ارىس قالاسىنداعى جارىلىستارعا قاتىستى قىلمىستىق ءىستى تەرگەۋ بارىسىندا ادىلدىك پەن زاڭدىلىقتى قامتاماسىز ەتۋدى جانە كىنالى تۇلعالاردىڭ ءبارىن جاۋاپقا تارتۋدى تاپسىردى.
قاسىم-جومارت توقايەۆ كۇش-جىگەردى ازاماتتاردىڭ قۇقىعىن قورعاۋعا، سىبايلاس جەمقورلىق پەن كولەڭكەلى ەكونوميكاعا قارسى كۇرەسكە جۇمىلدىرۋ قاجەتتىگىن ايتتى.
پىكىر قالدىرۋ