قازاقستان پرەزيدەنتى قاسىم-جومارت توقايەۆتىڭ بۇيرىعىمەن قۇرىلعان ۇلتتىق قوعامدىق سەنىم كەڭەسىنىڭ مۇشەسى، «قازاقستان بارىسى» دامۋ قورى قامقورشىلار كەڭەسىنىڭ ءتوراعاسى ارمان شورايەۆ ءوزى مۇشەلىگىنە ەنگەن كەڭەس تۋرالى پىكىر ءبىلدىردى دەپ حابارلايدى Qamshy.kz اقپارات اگەنتتىگى. بۇل تۋرالى ارمان مىرزا Facebook پاراقشاسىندا جازبا جاريالادى.

"ۇلتتىق كەڭەس تۋرالى. مەن دە سەنبەيمىن، شەندىلەرگە. وزگەرىستەر ەنگىزۋدىڭ ەكى جولى بار. ءبىرىنشىسى - ميتينگ، جالعاسى مايدان - سوعىس. ەكىنشىسى - بەيبىت كەلىسىم ارقىلى وزگەرىستەردى ەنگىزۋ. بۇنى توقايەۆ مىرزا مەنسىز دە ءتۇسىنىپ ءجۇر. ەگەر كەڭەس تۇك ناتيجە بەرمەسە، سول ءبىرىنشى جول قالادى. قان توگىلەدى، قازاققا قازاق ءوق-دارى سەبەدى. ونى پايدالانعان پۋتين اسكەرلەرىن كىرگىزىپ، قازاقتىڭ جەرىن ويىپ الادى. ءوز باسىم سويلەسۋگە دە، سوعىسۋعا دا دايىنمىن."، - دەلىنگەن جازبادا.