اجىراسۋ دەرەكتەرىنىڭ 27،1 پايىزى 5-9 جىل نەكەدە بولعاندار اراسىندا بايقالىپ وتىر. نەكەلەرى 2-4 جىلدى قۇراعان جاس جۇبايلار اراسىنداعى اجىراسۋشىلاردىڭ ۇلەسى 23،5 پايىز. ءبىر جىل بىرگە تۇرعاندار اراسىنداعى اجىراسۋ دەرەگى 7،5%، ءبىر جىلعا دەيىنگىلەر اراسىنداعى كورسەتكىش 5،3 پايىزعا تەڭ. ون جىل وتاسىپ اجىراسقاندار دا از ەمەس. ولاردىڭ ۇلەس سالماعى 36،6 پايىزدى قۇراعان.

ەڭ كوپ اجىراسۋ دەرەكتەرى سولتۇستىك ايماقتار – قوستاناي، سولتۇستىك قازاقستان، اقمولا جانە پاۆلودار وبلىستارىنا تيەسىلى. شاڭىراقتىڭ شايقالۋ فاكتىلەرى قازاعى باسىم اتىراۋ، ماڭعىستاۋ، قىزىلوردا، تۇركىستان وبلىستارىندا از ۇشىراسادى.

2018 جىلى 137،8 مىڭ جاس وتاۋ قۇرعان. بۇل 2017 جىلدان 2،8 پايىزعا تومەن. تىركەلگەن نەكەلەردىڭ جوعارى كوەففيسەنتى ەلوردادا بايقالۋدا. وندا مىڭ ادامعا شاققاندا 10 نەكە تىركەلگەن. ۇيلەنۋ دەرەكتەرىنىڭ تومەنگى كورسەتكىشى اقمولا وبلىسىندا كورىنىس تابۋدا: 1000 ادامعا شاققاندا 6 نەكە.