ازاماتتىق اۆياسيا كوميتەتى مەيرامحانا الدىنا جاس جۇبايلاردى تىكۇشاقپەن الىپ كەلگەن ۇشقىشتى جۇمىستان بوساتتى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
"ءبىرقاتار قازاقستاندىق باق-تا ۆيدەو جاريالاندى، وندا "Falcon Avia" جشس-عا تيەسىلى تىكۇشاقتى قوندىرۋ ءساتى كورسەتىلگەن. وسىلايشا، قازاقستان رەسپۋبليكاسى ينۆەستيسيالار جانە دامۋ ءمينيسترىنىڭ م. ا. بۇيرىعىمەن بەكىتىلگەن قازاقستان رەسپۋبليكاسىنىڭ ازاماتتىق اۆياسياسىندا ۇشۋدى جۇرگىزۋ ەرەجەسىنىڭ 423-تارماعىنىڭ ەرەجەلەرى ساقتالماعان"، - دەلىنگەن ازاماتتىق اۆياسيا كوميتەتىنىڭ حابارلاماسىندا.
ەلدىمەكەن اۋماعىنا قونعان اۋە كەمەسىنىڭ كاپيتانى ا. ۆ. ماتۆيەنكو ۇشۋدان شەتتەتىلدى، سونداي-اق "Falcon Avia" ج ش س ۇشۋدى ۇيىمداستىرۋ ماسەلەلەرىن تەكسەرۋ ءۇشىن ينسپەكسيالىق كوميسسيا جىبەرىلدى.
وسىعان دەيىن، ءوز تويلارىنا ەرەكشە كەلۋدىڭ ءادىسىن ويلاپ تاپقان قازاقستاندىق جاس جۇبايلار ينتەرنەت قولدانۋشىلارىن تاڭعالدىرعان ەدى.
پىكىر قالدىرۋ