الماتىدا ەڭبەك ارداگەرلەرى شۋ شىعاردى. ولار قايتىس بولعان جاقىندارىن جەرلەيتىن ورىننىڭ ساتىلىپ جاتقانىنا نارازى. وسىعان دەيىن ويماقتاي جەر تەگىن بەرىلىپ كەلگەنمەن، سوڭعى ءتورت جىلدان بەرى اقىسىن سۇرايتىندار تابىلعان كورىنەدى دەپ حابارلايدى Qamshy.kz اقپارات اگەنتتىگى كتك ارناسىنا سىلتەمە جاساپ.

اقتىق ساپارعا شىعارىپ سالۋدان اقى سۇرايتىنداردان قاجىعان تۇرعىنداردىڭ تاۋى شاعىلعان. نۇر الاتاۋ ىقشام اۋدانى 2014 جىلعا دەيىن قاراساي اۋدانىنىڭ بالانسىندا بولاتىن. قالاعا كۇنى قاراعالى ەڭبەك ارداگەرلەرى اكىمدىك پەن سوتتىڭ تابالدىرىعىن توزدىرىپ كەلەمىز دەيدى. جاقىن ماڭداعى زيراتتا وسىنداعى جۇرتشىلىقتىڭ اتا-بابالارى جەرلەنگەن. ەندى، قايتىس بولعان تۋىستارىن جەرلەۋدىڭ ءوزى مۇڭعا اينالىپ وتىر. سەبەبى، بازبىرەۋلەر بۇل ايماقتى اقشا تابۋدىڭ كوزىنە اينالدىرىپتى-مىس.

امىربەك قاينازاروۆ، الماتى قالاسىنىڭ تۇرعىنى:

"بورالدايعا بارىپ جەرلەڭدەر دەيدى. ال، جەر بار. جەر بولىنگەن. باسقا قالادان كەلىپ اقشا تولەيدى دە جەرلەي بەرەدى. ەندى وتكەندە ءبىر كىسىنى اپارىپ جەرلەگەندە 90 مىڭ تولەڭدەر دەيدى. زيراتتىڭ ءولى تىنىشتىعى تۇرعىنداردىڭ كەلۋىمەن بۇزىلدى. بىردەن كوكەيدەگى سۇراقتىڭ جاۋابىن الۋعا اسىققاندار، بەيىت قىزمەتكەرلەرىنە قاراي بەتتەدى. الايدا، جەر قازۋشىلار مۇنداي جاعدايدان بەيحابار ەكەندىكتەرىن جەتكىزدى. ال، زيرات باقىلاۋشىسى بولسا ارداگەرلەر بوسقا بايبالامعا باسىپ جاتقانىن، بۇل اۋماق رەسمي تۇردە جابىلعانىن ايتىپ اڭگىمەنى قىسقا قايىردى."   

جارقىن يسايەۆ:

"بۇل جەر قالاعا كىرگەننەن كەيىن ورىن جوق دەپ جابىلعان. ەگەر سىزدەردىڭ ورىندارىڭىز بولسا، قويا بەرەسىزدەر. وعان ەشكىمنىڭ قارسىلىعى جوق. ال، ەگەر ورىندارىڭىز جوق بولسا، بۇكىل قالا بويىنشا اشىق زيراتقا باراسىزدار. ول قالا بويىنشا اشىلعان، جەر ءبولىپ بەرگەن جەر. سول جاققا باراسىزدار. اكىمدىكتەگىلەر دە زيراتتىڭ شىنىمەن جابىلعاندىعىن راستادى. سونىمەن قاتار، قالادا باسقا اشىق بەيىتتەردىڭ بار ەكەندىگىن ەسكەرتتى. ال، اقشا بەرىپ جاقىنىن جەرلەۋ بوس اڭگىمە دەپ كەسىپ ايتتى"

ۇلان قۇتتىمبەتوۆ، بوستاندىق اۋداندىق كوممۋنالدىق شارۋاشىلىق ءبولىمى باسشىسىنىڭ مىندەتىن اتقارۋشى:

"جەرگىلىكتى تۇرعىنداردى جەرلەۋ ءۇشىن قوماقتى قارجى تالاپ ەتۋ ماسەلەسى بويىنشا بوستاندىق اۋدانىنىڭ اكىمى، پروكۋراتۋرا وكىلدەرىنىڭ قاتىسۋىمەن بىرنەشە مارتە جينالىس بولعان. اتالعان فاكتىلەر سول كەزدە دالەلىن تاپقان جوق. ق ر جەر كودەكسىنە بايلانىستى قايتىس بولعان ادامعا ق ر جەرلەۋ تەگىن بولىپ تابىلادى"

ارداگەرلەردىڭ بۇل ۋاجگە كەلىسكىسى جوق. قالانىڭ سىرتىنا سابىلىپ، جاقىنىن جەرلەۋدى قالامايدى. باسسىزدىق بار دەگەن ويىنان تانباعاندار ەندى ادىلدىك ىزدەپ، باس پروكۋراتۋراعا دەيىن شاعىمدانامىز دەپ تارقاستى.