وڭتۇستىك استانا رەيتينگتە 29،4 باللمەن 308-ورىنعا جايعاسقان. بۇل – تىزىمگە ەنگەن پوستكەڭەستىك رەسپۋبليكالاردىڭ شاھارلارى اراسىنداعى ەڭ ناشار كورسەتكىش. پوستكەڭەستىك كەڭىستىكتەگى قاۋىپسىزدىك جاعدايى ورنىقتى قالالاردىڭ قاتارىنداعى ەستونيالىق تارتۋ 16-ورىنعا ورنالاسسا، رەسەيلىك تومەنگى نوۆگورود 53-ورىنعا تۇراقتاعان.

ءقاۋىپسىز قالالار ءتىزىمىن بىرىككەن اراب امىرلىكتەرىنىڭ استاناسى ابۋ-دابي باستاپ تۇر. ونداعى قاۋىپسىزدىك دەڭگەيىنە 100-دەن 89،4 بالل بەرىلگەن. ەكىنشى ورىنعا كاتار استاناسى دوحا (88 بالل)، ۇشىنشىگە كانادانىڭ كۆەبەك (85 بالل) قالاسى جايعاسقان. ۇزدىك وندىققا تايبەي، ميۋنحەن، دۋباي، سيۋريح، بەرن، گونكونگ جانە ەسكيشەحير ەنگەن. الەمدەگى ەڭ ءقاۋىپسىز قالا – ۆەنەسۋەلانىڭ استاناسى كاراكاس.

الماتىنىڭ تومەنگى رەيتينگىنە بىلتىر قالا ورتالىعىندا تاپا-تال تۇستە وليمپيادا جۇلدەگەرى، تانىمال سپورتشى دەنيس تەننىڭ ولتىرىلگەنى اسەرىن تيگىزسە كەرەك.