ۋكراينا پرەزيدەنتى ۆلاديمير زەلەنسكيي ەل تاريحىندا قالعىسى كەلەدى. ول بۇل تۋرالى "زە! پرەزيدەنت!" YouTube جەلىسىندە مالىمدەدى دەپ حابارلايدى Qamshy.kz اقپارات اگەنتتىگى رامبلەر سايتىنا سىلتەمە جاساپ.
"مەن بارلىعى ءبىزدى سىيلاعانىن قالايمىن. ويتكەنى سوڭعى 30 جىلدىڭ ىشىندە ۋكراينا تاريحىندا ەشقانداي پرەزيدەنتتىڭ كومانداسىن حالىق تانىپ، كوشەدە كورسە قۋانا قارسى العان ەمەس"، - دەپ ءتۇسىندىردى زەلەنسكيي.
مەملەكەت باسشىسى ۋكراينادا مۇنداي ساياساتتىڭ العاشقى ۇلگىسىن كورسەتۋ ءۇشىن «بىردەڭە ىستەۋدى» قالايتىنىن جەتكىزدى. ءتىپتى شەنەۋنىكتەردەن دە قولداۋ كۇتپەيتىنىن جەتكىزدى.
"ءقازىر ەشكىمگە سەنىم جوق. ءقازىر سەنۋگە بولاتىنىن ادام مۇلدەم قالمادى"، - دەپ اعىنان جارىلدى زەلەنسكيي.
ۋكراينانىڭ بارلىق مەملەكەتتىك قىزمەتكەرلەرى پارا الادى جانە "كۇلىمدەپ ءجۇرىپ جىمقىرۋدى" بىلەدى دەپ اتاپ ءوتتى پرەزيدەنت.
بۇرىن حابارلانعانداي، پرەزيدەنت كەڭسەسىندەگى قىزمەتكەرلەر نە سەبەپتى حالىقپەن بىرگە سۋعا تۇسكەنىن ءتۇسىندىردى. مەملەكەت باسشىسىنىڭ ايتۋىنشا، ول وسىلايشا حالىقپەن بىرگە ەكەنىن جەتكىزگىسى كەلگەن.
پىكىر قالدىرۋ