ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ اتىراۋعا جۇمىس ساپارى كەزىندە كەڭەس وتكىزىپ، ۇكىمەتتىڭ كەڭەيتىلگەن وتىرىسىندا ق ر پرەزيدەنتىنىڭ الەۋمەتتىك – ەڭبەك سالاسى بويىنشا بەرگەن تاپسىرمالارىنا قاتىستى ماسەلەلەر تالقىلاندى دەپ جازادى Qamshy.kz اقپارات اگەنتتىگى.
جيىنعا ەڭبەكپەن قامتۋدى ۇيلەستىرۋ جانە الەۋمەتتىك باعدارلامالار، اۋىل شارۋاشىلىعى، ەڭبەك ينسپەكسياسى باسقارمالارىنىڭ، مەملەكەتتىك كىرىستەر، ەڭبەك، الەۋمەتتىك قورعاۋ جانە ميگراسيا دەپارتامەنتتەرىنىڭ، جۇمىسپەن قامتۋ ورتالىقتارىنىڭ، ونەركاسىپ كاسىپورىندارىنىڭ، ۇكىمەتتىك ەمەس ۇيىمداردىڭ جانە «اتامەكەن» كاسىپكەرلەر پالاتاسىنىڭ باسشىلارى قاتىستى.
كەڭەسكە قاتىسۋشىلار ادرەستى الەۋمەتتىك كومەك بەرۋ، جاڭا جۇمىس ورىندارىن قۇرۋ، حالىقتى جۇمىسپەن قامتۋ جانە قىزمەتكەرلەردىڭ ەڭبەك قۇقىقتارىن ساقتاۋ ماسەلەلەرىن قارادى.
"وسى جىلدىڭ 1 ساۋىرىنەن بەرى وكىلەتتى ورگاندارعا 14 314 ادام ااك بويىنشا اقىل-كەڭەس سۇراپ كەلدى. ولارعا تولىق ماعلۇمات جانە ۇسىنىمدار بەرىلدى. بۇگىنگى كۇنگە 32 670 ادام بار 5 748 وتباسىنا جالپى سوماسى 1،3 ملرد. تەڭگە ادرەستى الەۋمەتتىك كومەك تاعايىندالدى"،-دەپ حابارلادى وبلىس اكىمىنىڭ ءبىرىنشى ورىنباسارى سەرىك شاپكەنوۆ.
ءوز كەزەگىندە ب.ساپاربايەۆ وڭىردە اتقارىلىپ جاتقان جۇمىستارعا وڭ باعا بەرىپ، ءبىرقاتار وزەكتى ماسەلەلەگە نازار اۋداردى.
پرەزيدەنتتىڭ تاپسىرماسىنا سايكەس ااك-ى تاعايىنداپ، تولەۋدە بۇزۋشىلىقتارعا جول بەرمەۋدى، ۋچاسكەلىك كوميسيالاردىڭ جۇمىسىن كۇشەيتتىپ جانە ەڭبەككە جارامدى جاردەماقى الۋشىلارمەن الەۋمەتتىك كەلىسىم-شارت جاساۋ كەرەك ەكەنىن مينيستر اتاپ ءوتتى.
ەڭبەك مينيسترلىگىنىڭ باسشىسى ايرىقشا نازار اۋدارعان تاعى ءبىر ماسەلە – «ەڭبەك» مەملەكەتتىك باعدارلاماسى اياسىندا جۇمىسسىزداردى جانە ءوزىن-وزى قامتىپ وتىرعانداردى ەڭبەكپەن قامتۋدىڭ بەلسەندى شارالارىنا تارتۋ.
"اعىمداعى جىلى جاستاردى، مۇگەدەك جانداردى، كوپبالالى جانە از قامتىلعان وتباسىلارىن مەملەكەتتىك قولداۋ شارالارى ەداۋىر كەڭەيتىلدى – جەڭىلدەتىلگەن شاعىن نەسيەلەر بەرۋ، ءوز ءىسىن اشۋ ءۇشىن قايتارىمسىز گرانتتار ءبولۋ، ۇيىندە ىستەيتششىن الەۋمەتتىك جۇمىس ورىندارىن اشۋ، بيزنەس نەگىزدەرىنە جانە سۇرانىسقا يە تەحنيكالىق ماماندىقتارعا ۇيرەتۋ بويىنشا. پرەزيدەنتتىڭ تاپسىرماسىمەن وسى ماقساتقا قوسىمشا 50 ملرد. تەڭگە ءبولىندى"،- دەپ اتاپ ءوتتى ول.
سونداي-اق، كەڭەس بارىسىندا مۇگەدەك جانداردى الەۋمەتتىك قورعاۋ شارالارى تالقىلاندى. مينيستر اتالعان ساناتتاعى ازاماتتاردى وڭالتۋدىڭ تەحنيكالىق قۇرالدارىمەن تولىقتاي قامتاماسىز ەتۋدىڭ، ولاردىڭ بارلىق ساپالىق جانە تەحنيكالىق تالاپتارعا ساي بولۋىنىڭ ماڭىزىن باسىپ ايتتى.
"تەحنيكالىق قۇرالداردىڭ قولدانۋدا ىڭعايلى بولىپ، ومىرلەرىن شىن مانىندە جەڭىلدەتۋى وتە ماڭىزدى. اقتوبەدە «الەۋمەتتىك قىزمەتتەر پورتالى» پيلوتتىق جوباسىن ىسكە اسىرۋ باستالدى. بۇل مۇگەدەك جاندارعا مەملەكەتتىك ساتىپ الۋعا قاراماي، قاجەتتى تەحنيكالىق قۇرالدار مەن قىزمەتتەردى ءوز بەتىمەن، ءوزىنىڭ جەكە ەرەكشەلىكتەرىن ەسكەرە وتىرىپ الۋعا مۇمكىندىك بەرەدى. جالپى، مۇگەدەك جانداردىڭ قۇقىعىن قورعاۋ، ءومىر ساپاسىن قامتاماسىز ەتۋ مينيسترلىكتىڭ قىزمەتىندە باسىمدىققا يە"،-دەدى ب.ساپاربايەۆ.
ەلىمىزدىڭ بارلىق وبلىستارىندا وڭالتۋ ورتالىقتارى قىزمەت ەتۋى ءتيىس. كەلەسى كەزەڭدە اۋدانداردا شاعىن كومپلەكتىلى ورتالىقتار اشىلاتىنىن ايتتى مينيستر.
ايتا كەتەيىك، اعىمداعى جىلدىڭ مامىر ايىندا مۇگەدەكتەردىڭ قۇقىعىن قامتاماسىز ەتۋ جانە ءومىر ساپاسىن جاقسارتۋدىڭ 2025 جىلعا دەيىنگى ۇلتتىق جوسپارى قابىلداندى. وندا الەۋمەتتىك قورعاۋ، ءبىلىم بەرۋ، دەنساۋلىق ساقتاۋ، الەۋمەتتىك قىزمەتكەرلەردىڭ بىلىكتىلىگىن ارتتىرۋ بويىنشا شارالار كەشەنى قارالعان.
بەردىبەك ساپاربايەۆ ونەركاسىپ كاسىپورىندارىنىڭ باسشىلارىنا قىزمەتكەرلەردىڭ ەڭبەك قۇقىعىن مۇلتىكسىز ساقتاۋ، قولايلى جانە ءقاۋىپسىز ەڭبەك جاعدايىن جاساۋ، ەڭبەكاقى بويىنشا بورىشتاردى بولدىرماۋ قاجەتتىگىن جانە قازاقستاندىق قىزمەتكەرلەردى شەتەلدىكتەرمەن سالىستىرعاندا كەمسىتۋگە جول بەرمەۋ كەرەك ەكەنىن قاپەرلەدى.
اتىراۋعا جۇمىس ساپارى بارىسىندا بەردىبەك ساپاربايەۆ ارناۋلى الەۋمەتتىك قىزمەتتەر ورتالىعىنىڭ جانە حالىقتى جۇمىسپەن قامتۋ ورتالىعىنىڭ قىزمەتىمەن تانىستى.
