بۇل تۋرالى زەلەنسكيي "پرەزيدەنتپەن اشىق اڭگىمە" باعدارلاماسىندا مالىمدەدى. زەلەنسكييدىڭ ايتۋىنشا، سوعىستى توقتاتىپ، رەسەي مەن ۋكراينا اراسىندا ديالوگ ورناتۋ وسىدان باستالۋى مۇمكىن.
زەلەنسكييدىڭ سوزىنە قاراعاندا، "بارلىعىن بارلىعىنا الماستىرۋ" فورماسىن رەسەي پرەزيدەنتى ۆلاديمير پۋتين تەلەفونمەن اڭگىمە بارىسىندا ۇسىنعان. دەگەنمەن، ۋكراين پرەزيدەنتىنىڭ ايتۋىنشا، كييەۆ دايىنداعان ءتىزىم مەن دونەسك جانە لۋگانسك وبلىستارىندا "ۋاقىتشا باسىپ الىنعان اۋماقتا" جاسالعان ءتىزىم سايكەس كەلمەيدى. سول سەبەپتى ول تۇتقىن الماستىرۋدى 24 ۋكراين تەڭىزشىسىنەن باستاۋدى ۇسىنعان.
"بارلىق تۇتقىندى الماستىرامىز، ءبىراق اۋلەى رەسەيدە جانە قىرىمدا تۇتقىندا وتىرعانداردى قايتارايىق، ونى تەڭىزشىلەرلەن باستايىق"، — دەدى زەلەنسكيي.
ۆلاديمير زەلەنسكيي مەن ۆلاديمير پۋتين العاش رەت تەلەفون ارقىلى 11 ماۋسىمدا سويلەسكەن، بۇل باستامانى ۋكراينا تاراپى كوتەرگەن ەدى.
پىكىر قالدىرۋ