قازاقستان تاريحىندا كامەلەت جاسقا تولماعان بالاسىنا كولىك ايداۋعا جول بەرگەن اتا-اناعا قاتىستى مۇنداي جازا العاش رەت قولدانىلدى، دەپ جازادى inbusiness.kz.

14 جاستاعى ءجاسوسپىرىمنىڭ 2018 جىلى 28 جەلتوقساندا سايدا ابدۋللانى كولىكپەن قاعىپ، ارتىنشا ولىمگە سوقتىرعانى ەلدىڭ ەسىندە. قىزىلوردا قالاسىنىڭ №2 سوتى ق ر قك 349-بابىنىڭ 3-بولىمىندە قاراستىرىلعان، ياعني كولىك ايداۋعا قۇقى جوق تۋعان بالاسىنا كولىك قۇرالىنىڭ رولىنە وتىرعىزعانى ءۇشىن ت. ەسىمدى ازاماتشا كىنالى دەپ تانىلدى.

ول سوت زالىندا قاماۋعا الىنىپ، سوت سول ايەلگە ءبىر جارىم جىلعا باس بوستاندىعىنان ايىرۋ جازاسىن تاعايىندادى. بۇل باپقا، سايكەس ەڭ ۇلكەن جازا – 3 جىلعا باس بوستاندىعىنان ايىرۋ. سونداي-اق، سوت ايەلدى 2 جىلعا كولىك ايداۋ قۇقىعىنان ايىرىپ، وعان قوسىمشا جازا تاعايىندادى. بۇدان باسقا، مورالدىق شىعىن كەلتىرگەنى ءۇشىن ايەلدەن 1 000 000 تەڭگە ءوندىرىپ الىنادى.