ق ر پرەمەر-مينيسترى اسقار مامين ا.ج. 17-18 شىلدە ارالىعىندا اتىراۋ وبلىسىنا جۇمىس ساپارى بارىسىندا مۇنايگاز سالاسى كاسىپورىندارىن ارالاپ، جاڭا ونەركاسىپتىك نىسانداردىڭ سالىنۋ بارىسىمەن تانىستى جانە جەرگىلىكتى قامتۋدى، مۇنايگاز ماشيناجاساۋدى دامىتۋ جانە ق ر ەڭبەك زاڭناماسىن ساقتاۋ ماسەلەلەرى بويىنشا كەڭەس وتكىزدى دەپ جازادى Qamshy.kz اقپارات اگەنتتىگى.

ق ر ۇكىمەتىنىڭ باسشىسى سالىنىپ جاتقان «تەڭىز» كەن ورنى ءۇشىنشى بۋىن زاۋىتىنا باردى، ول «تەڭىزشيەۆرويل» ج ش س جۇزەگە اسىرىپ جاتقان بولاشاق كەڭەيتۋ جوباسى اياسىندا سالىنىپ جاتىر.

زاۋىتتا جالپى قۇرىلىسى جۇمىستارى، جەراستى كوممۋنيكاسيالارىن جۇرگىزۋ، رەزەرۆۋارلار مونتاجى جۇرگىزىلىپ جاتىر، 23 قۇراستىرمالى مودۋلدىك ەستاكادالار ورناتىلعان. ەكى گازترۋبينالى گەنەراتور مەن تەحنولوگيالىق ءمودۋلدى قۇراستىرۋ ءساتتى اياقتالدى. زاۋىتتىڭ قۇرىلىس الاڭىندا 25 مەردىگەرلىك جانە قوسالقى مەردىگەرلىك ۇيىم جۇمىس ىستەيدى، 3300-گە جۋىق ادام تارتىلعان. جوبا 2022 جىلى اياقتالادى.

ق ر پرەمەر-مينيسترى سونىمەن قاتار قاشاعان كەن ورنىن جانە مۇناي ءوندىرىلىپ، ونى «بولاشاق» زاۋىتىنا قۇبىر جەلىسى بويىنشا ودان ءارى تاسىمالداۋمەن ءبىرىنى رەتتىك سەپەراسيا جۇرگىزىلەتىن جاساندى ارالىن ۇشۋمەن ارالادى.

اتىراۋ وبلىسىنا جۇمىس ساپارى اياسىندا ق ر ۇكىمەتىنىڭ باسشىسى جەرگىلىكتى قامتۋدى دامىتۋ، مۇنايگاز ماشينا جاساۋ، ق ر ەڭبەك زاڭناماسىن ساقتاۋ ماسەلەلەرى بويىنشا كەڭەس وتكىزدى.

اسقار مامين ءىرى جوبالار وپەراتورلارىنىڭ ساتىپ الۋلارىندا جەرگىلىكتى قامتۋ ۇلەسى ءوسىمدى بايقاتىپ وتىرعانىن اتاپ ءوتتى، ءبىراق، قازاقستاندىق ماشيناجاساۋشىلاردىڭ ونىمدەرى دامىتۋ تولىققاندى پايدالانىلماي وتىر.

«بۇل جاعداي پارمەندى شارالاردى، ونىڭ ىشىندە جوبالار وپەراتورلارى تاراپىنان دا قابىلداۋدى تالاپ ەتەدى»، - دەدى ق ر پرەمەر-مينيسترى.

اسقار مامين ۇكىمەتتىڭ ماشيناجاساۋدى دامىتۋدىڭ 2019-2024 جىلدارعا ارنالعان جول كارتاسىنا قابىلداعانىن ايتتى، وندا ماشيناجاساۋ كاسىپورىندارىن سالىقتىق ارتىقشىلىقتارمەن، قارجىلىق جانە شيكىزاتتىق قولداۋمەن، سونداي-اق بىلىكتى كادرلارمەن قامتاماسىز ەتۋ بويىنشا ماسەلەلەردى پىسىقتاۋ قاراستىرىلعان.

كەڭەستە سونىمەن قاتار ق ر ەڭبەك زاڭناماسىنىڭ ساقتالۋى ماسەلەلەرى تالقىلاندى، اتاپ ايتقاندا، جەر قويناۋىن پايدالانۋشىلاردىڭ كاسىپورىنداردا جۇمىسكەرلەردىڭ ءقاۋىپسىز ەڭبەك جاعدايلارى مەن تۇرۋىن قامتاماسىز ەتۋ بويىنشا مەردىگەرلەر مەن قوسالقى مەردىگەرلەرگە قاتىستى ۆەرتيكالدى باقىلاۋدى ەنگىزۋى تالقىلاندى.

سونىمەن قاتار وڭىرگە جۇمىس ساپارى بارىسىندا ق ر پرەمەر-مينيسترى «ءاموز» ج ش س مۇنايدى تەرەڭ وڭدەۋ كەشەنىن، «اتىراۋمۇنايماش»، «ۇلتتىق يندۋستريالىق مۇنايحيميا تەحنوپاركى» اەا، «پوليمەر پروداكشن»، «Kazakhstan Petrochemical Industries Inc.»، «Karabatan Utility Solutions»، «بولاشاق» مۇناي جانە گاز وڭدەۋ زاۋىتىن، «شيەۆرون مۇنايگاز ينك.»، ءتۇرلى ماركالى وپتيكالىق كابەل شىعاراتىن زاۋىتتى ارالادى.