ق ر پرەمەر-مينيسترى اسقار مامين قوياندى سۋ قويماسىن تازارتۋ بويىنشا «بىرگە – تازا قازاقستان» ەكولوگيالىق اكسياسىنا قاتىستى دەپ جازادى Qamshy.kz اقپارات اگەنتتىگى government.kz سايتىنىڭ دەرەگىن نەگىزگە الىپ. 

ەكولوگيالىق اكسيا قاتىسۋشىلارىنا ءسوزىن ارناعان ق ر ۇكىمەتىنىڭ باسشىسى بارلىق وڭىرلەردىڭ اكىمدەرىن، ەكولوگيالىق بەلسەندىلەردى، جاستار ۇيىمدارى مەن ەرىكتىلەردى وسى باستامانى قولداۋعا شاقىردى.

«مەن بۇل اكسيانىڭ كەڭىنەن تارالاتىنىنا، جالپىرەسپۋبليكالىق شاراعا اينالاتىنىنا جانە ازاماتتار اراسىندا قولداۋعا يە بولاتىنىنا سەنەمىن. «بىرگە – تازا قازاقستان» اكسياسى ەلىمىزدەگى ەكولوگيالىق جاعدايدى جاقسارتۋعا مۇمكىندىك بەرەدى»، — دەدى اسقار مامين.

اكسياعا 1200-دەن استام ادام قاتىستى. ولاردىڭ ىشىندە ق ر ۇكىمەتىنىڭ مۇشەلەرى، نۇر-سۇلتان قالاسىنىڭ اكىمى، اقمولا وبلىسىنىڭ اكىمى، مەملەكەتتىك جانە قوعامدىق ۇيىمداردىڭ، ديپلوماتيالىق كورپۋستىڭ، جەرگىلىكتى اتقارۋشى ورگانداردىڭ وكىلدەرى، ستۋدەنتتەر، ەرىكتىلەر بار.