پرەزيدەنت قاسىم-جومارت توقايەۆ تانىمال قازاقستاندىق رەپ-ورىنداۋشى سكريپتونيتتىڭ تۋىندىلارىن بىرنەشە رەت تىڭداعانىن ايتتى دەپ حابارلايدى Qamshy.kz اقپارات اگەنتتىگى.
مەملەكەت باسشىسىنىڭ سكريپتونيت تۋرالى پىكىرىن رەسەيلىك جۋرناليست الەكسەي پيۆوۆاروۆ پرەزيدەنتپەن سۇحباتى بارىسىندا سۇرادى. سۇحبات "31 ارنادا" كورسەتىلگەن.
"ونى بىرنەشە رەت تىڭدادىم، ءبىراق انىنە تەرەڭ بويلاپ، ونى ءتۇسىنىپ كەتتىم دەپ ايتا المايمىن. ءبىراق بۇل باعىتتا ءبىر نارسە ىستەۋگە ۋادە بەرەمىن"، - دەدى توقايەۆ.
سونداي-اق، پرەزيدەنت ديماش قۇدايبەرگەننىڭ تابىسى تۋرالى دا ويىن ايتتى. "جۇڭگو حالقىن، ەندى رەسەيدى تاڭعالدىرعان ديماشپەن ماقتانامىز، ول كرەمل سارايىندا بىرنەشە رەت كونسەرت بەردى. انشلاگ، تولىق انشلاگ"، - دەدى مەملەكەت باسشىسى.
ءادىل "سكريپتونيت" جالەلوۆ - تانىمال قازاقستاندىق رەپ-ورىنداۋشى، مۋزىكانت. ول 1990 جىلى پاۆلودار وبلىسىندا دۇنيەگە كەلگەن. سكريپتونيت بىرنەشە جىل بويى رەسەيلىك تانىمال رەپەر باستامەن بىرگە Gazgolder لەيبلىندە بولعان. ءقازىر جەكە شىعارماشىلىعىمەن قاتار، Gruppa Skryptonite جوباسىن قولعا العان.
پىكىر قالدىرۋ