قازاقستان ءوزىن سىرتقى ساياساتتا ءوزىن بىتىمگەر، جاھاندىق ماسەلەلەرگە ءۇنقوسقىش رەتىندە كورسەتىپ كەلەدى. ەلباسى حالىقارالىق مىنبەرلەردەن سويلەگەن سوزىندە ادامزاتتى تولعاندىراتىن، پلانەتالىق ماسشتابتاعى ماسەلەلەردى ءجيى كوتەرگەن بولاتىن. سونداي باستامالاردىڭ ءبىرى – سيرياداعى جاعدايدى رەتتەۋگە باعىتتالعان استانا پروسەسىن اقش مويىندامايتىنىن ءمالىم ەتتى.

اقش سيرياداعى جاعدايدى رەتتەۋشى بىردەن-بىر الاڭ بىرىككەن ۇلتتار ۇيىمى عانا دەپ ەسەپتەيدى. مەملەكەتتىك دەپارتامەنت ءتوراعاسىنىڭ سوزىنشە ۆاشينگتون نۇر-سۇلتان قالاسىندا تامىز ايىنا جوسپارلانىپ وتىرعان استانا پروسەسى اياسىنداعى كەز كەلگەن فورماداعى كەلىسسوزدەرگە قاتىسپايدى. سىرتقى ساياساتپەن شۇعىلداناتىن امەريكالىق ۆەدومستۆو باسشىسى بۇۇ عانا سيريا كەلىسسوزدەرىن ساياسي العا جىلجۋعا جەتەلەۋگە قاۋقارلى ەكەنىن ايتتى.

"جەنيەۆا پروسەسى – سيريا ماسەلەسىندە سەنىم ۇيالاتاتىن، زاڭدى جانە حالىقارالىق دەڭگەيدە مويىندالعان جالعىز فورمات"، – دەپ اتاپ ءوتتى ول.

سونداي-اق ءتوراعا استانا پروسەسىنىڭ قانتوگىستى توقتاتۋدا، بەيبىتشىلىكتى ورناتۋدا دارمەنسىزدىگىن جەتكىزدى.

ايتا كەتەيىك، استانا پروسەسى رەسەي، تۇركيا جانە يراننىڭ باستاماسى بويىنشا ەلوردادا ءوتىپ كەلەدى. وتىرىستارعا سيريا ۇكىمەتىنىڭ وكىلدەرى مەن وپپوزيسيالىق كۇشتەر دە قاتىسۋدا. باقىلاۋشىلار قاتارىندا بۇۇ، يوردانيا بار. كەلەسى، 13 وتىرىس 1-2 تامىز كۇندەرى وتپەك.