ق ر پرەمەر-مينيسترى اسقار مامين قازاقستانداعى اقش ەلشىسى ۋيليام موزەرمەن كەزدەستى دەپ حابارلايدى Qamshy.kz اقپارات اگەنتتىگى ق ر پرەمەر-مينيسترىنىڭ رەسمي سايتىنا سىلتەمە جاساپ.
كەزدەسۋ بارىسىندا ينۆەستيسيالىق سالادا، مۇناي سالاسىندا، اگروونەركاسىپتىك سەكتوردا ىنتىماقتاستىقتى ودان ءارى دامىتۋ ماسەلەلەرى تالقىلاندى.
"قۇراما شتاتتار قازاقستاننىڭ باستى سەرىكتەستەرى مەن ينۆەستورلارىنىڭ ءبىرى بولىپ قالا بەرمەك"، — دەگەن ق ر پرەمەر-مينيسترى، 2018 جىلعى قاڭتارداعى ق ر تۇڭعىش پرەزيدەنتى ن. ءا. نازاربايەۆ پەن اقش پرەزيدەنتى د. ترامپ قول جەتكىزگەن ۋاعدالاستىقتاردى ىسكە اسىرۋدىڭ، سونداي-اق، ءوزارا ءتيىمدى ءوزارا ءىس-قيمىل كوكجيەگىن كەڭەيتۋدىڭ ماڭىزدىلىعىن اتاپ ءوتتى.
2018 جىلدىڭ قورىتىندىسى بويىنشا ق ر مەن اقش اراسىنداعى تاۋار اينالىمى 37،3%-عا $2،2 ملرد دەيىن ءوستى. امەريكالىق ينۆەستيسيالاردىڭ قازاقستان ەكونوميكاسىنا اعىمى 44،7%-عا ءوستى جانە $5،3 ملرد جەتىپ، جاڭا ءابسوليۋتتى رەكورد ورناتتى.
"ينۆەستيسيالار تارتىپ، ستراتەگيالىق ينۆەستيسيالىق جوبالاردى ىسكە اسىرۋ ءۇشىن ينۆەستورلارعا اسا قولايلى جاعداي جاساۋعا ەرەكشە نازار اۋدارىلادى. جاڭا تاسىلدەر امەريكالىق سەرىكتەستەر ءۇشىن نەعۇرلىم قولايلى جاعداي جاسايدى"، — دەدى ا. مامين.
پەرسپەكتيۆالى ەكسپورتقا باعدارلانعان سالالاردا ينۆەستيسيالىق جوبالاردى ىسكە اسىرۋ ماسەلەلەرىن ءتيىمدى شەشۋ ءۇشىن تىكەلەي شەتەلدىك ينۆەستيسيالار بويىنشا ۇيلەستىرۋ كەڭەسى جانە تىكەلەي شەتەلدىك ينۆەستيسيالار قورى قۇرىلدى.
ق ر پرەمەر-مينيسترى ءىرى امەريكالىق كومپانيالاردىڭ اگروونەركاسىپتىك سەكتورداعى جوبالارىن جۇزەگە اسىرۋدىڭ پەرسپەكتيۆالىعىن اتاپ ءوتتى جانە ءوڭىر نارىقتارىنا شىعۋمەن قازاقستان اۋماعىندا ءوندىرىستى ۇيىمداستىرۋدىڭ مۇمكىندىگىنە توقتالدى.
ءوز كەزەگىندە، ۋ. موزەر ينۆەستيسيالىق احۋالدى جاقسارتۋ تاسىلدەرىن جوعارى باعالاپ، امەريكالىق تاراپتىڭ ىنتىماقتاستىقتى قولدانىستاعى فورماتتا جالعاستىرۋعا دايىن ەكەنىن جەتكىزدى.
پىكىر قالدىرۋ