الماتىدا ەكى كولىك ءجۇرىپ كەلە جاتقان پويىزدىڭ جولىندا قالىپ قويدى، زارداپ شەككەندەر بار دەپ حابارلايدى Qamshy.kz اقپارات اگەنتتىگى Sputnik قازاقستان سايتىنا سىلتەمە جاساپ.

ءبىرىنشى جول اپاتى جەكسەنبى كۇنى كەشكە بەكماحانوۆ كوشەسىندە ءسۇيىنباي كوشەسىنە جەتپەي بولعان. Lada Priora بەكماحانوۆ كوشەسىمەن شىعىس باعىتتا كەتىپ بارا جاتىپ، جول كەپتەلىسىنە تاپ بولادى. كولىك تەمىر جولدان وتە بەرگەندە، پويىز قاعىپ كەتتى.

وقيعا سالدارىنان Lada كولىگىندە وتىرعان جولاۋشى ايەل زارداپ شەگىپ، ءبىراق العاشقى كومەك العان سوڭ اۋرۋحاناعا جاتۋدان باس تارتتى.

ەكىنشى جول اپاتى لاۆرەنيەۆ كوشەسىندە "جۇلدىز" شاعىن اۋدانىنا بۇرىلار جەردەن تومەنىرەك بولعان. كۋاگەرلەردىڭ ايتۋىنشا، كارشەرينگ قىزمەتىنە تيەسىلى Volkswagen Polo لاۆرەنيەۆ كوشەسىمەن سولتۇستىك باعىتتا كەتىپ بارا جاتقاندا، جۇرگىزۋشى كەنەت قارسى بەتكە شىعىپ، قاتتى جىلدامدىقپەن كەلە جاتقان Mercedes E كولىگىمەن بەتپە-بەت سوقتىعىسادى.

جويقىن سوققىدان Mercedes قارسى بەتتە بىرنەشە ءجۇز مەتر ءجۇرىپ ءوتىپ، اللەيادان اسىپ، پويىز ءجۇرىپ كەلە جاتقان تەمىر جول ۇستىندە ءبىر-اق توقتادى.