اكىم قىزمەتىنەن بوساتىلعان عابيدوللا ءابدىراحىموۆ شىمكەنت تۇرعىندارىنا مالىمدەمە جاسادى دەپ حابارلايدى Qamshy.kz اقپارات اگەنتتىگى.
ول تۋرالى ءابدىراحىموۆ Instagram الەۋمەتتىك جەلىسىندە جاريالاعان.
"قۇرمەتتى شىمكەنت قالاسىنىڭ تۇرعىندارى! قىمباتتى دوستار! مەن ءۇشىن شىمكەنت قالاسىنىڭ اكىمى بولىپ جۇمىس ىستەگەنىم ۇلكەن مارتەبە جانە ماقتانىش. وسىنداي مۇمكىنشىلىك بەرگەن ەلباسىمىزعا، پرەزيدەنتىمىزگە ءالعىسىمدى بىلدىرەمىن. قولدان كەلگەنشە قالانىڭ دامۋىنا ارىپتەستەرلەرمەن اتسالىستىم. مەن شىمكەنت حالقىنا وتە ريزامىن! سىزدەر ءارقاشان مەنى قولدادىڭىزدار. ءوزىمدى وتە باقىتتى ادام رەتىندە سەزىنىپ ءجۇردىم. ءار نارسەنىڭ سوڭى بولادى بۇل ومىردە. جاڭالىقتار دا بولادى. جاڭادان كەلگەن قالا باسشىسىنا ساتتىلىك تىلەيمىن. بارلىقتارىڭىزعا ۇلكەن العىس ايتىپ، باسىمدى يەمىن! امان بولىڭىزدار! شىمكەنت جايناي بەرسىن! سپاسيبو تەبە، موي شىمكەنت!"، - دەپ اكىم قوشتاسقان جازبا قالدىردى.
