اۋدان اكىمدەرى مەن باسقارما باسشىلارى ەندى حالىققا جاقىنداي تۇسپەك دەپ جازادى Qamshy.kz اقپارات اگەنتتىگى.
ەندى اپتاسىنا ەكى رەت شەنەۋنىكتەر حالىقتىڭ ارىز-شاعىمدارىن تىڭدايتىن بولادى. اپتانىڭ ءار سەيسەنبى جانە بەيسەنبى كۇندەرى الماتىلىقتار اكيمات Live باعدارلاماسىندا ءوز اكىمىنە ءوز سۇراقتارىن قويا الادى. ەلدى الاڭداتىپ وتىرعان ماسەلەنى "الماتى" ارناسىنان بولاتىن تىكەلەي ەفير كەزىندە حابارلاسىپ، ايتا الاسىز.
سونىمەن قاتار، تىكەلەي ەفير YouTube جانە Facebook جەلىسى ارقىلى دا تاراتىلادى. ول جەردە سىزدەر ەفير استىنا ءوز ساۋالدارىڭىزدى پىكىر رەتىندە جازا الاسىزدار.
ەڭ ءبىرىنشى بولىپ "ىستىق ورىندىققا" وتىرعان ناۋرىزباي اۋدانىنىڭ اكىمى سانجار توعاي. سۇراقتاردىڭ باسىم كوپشىلىگى اۋداننىڭ تىنىشتىعى، سۋ قويماسى، جول ماسەلەسى ت.ب بولدى.
پىكىر قالدىرۋ