- «ەلباسى قازاقستان رەسپۋبليكاسىنىڭ تۇڭعىش پرەزيدەنتى ن. ءا. نازاربايەۆ قازاقستان حالقىنا ارناعان جولداۋىندا،: "جەرگىلىكتى اتقارۋشى ورگاندارعا، حالىقتىڭ دەنە شىنىقتىرۋمەن جانە سپورتپەن جاپپاي اينالىسۋى ءۇشىن سپورتتىق ينفراقۇرىلىمداردىڭ قولجەتىمدىلىگىن كەڭەيتۋ تۋرالى ماسەلەنى شەشۋدى تاپسىرامىن دەگەن بولاتىن. بۇگىندە ءبىز وسى تاپسىرمانى ورىنداۋ ماقساتىندا جۇمىستار جاساپ كەلەمىز. مىنە، بۇگىنگى شاعىن فۋتبول الاڭى سپورت سۇيەر قاۋىمعا ارنالادى» - دەيدى cپورت الاڭىنىڭ اشىلۋىندا ءسوز سويلەگەن اۋىل اكىمىنىڭ مىندەتىن اتقارۋشى ە.قۇدايسۇگىروۆ.
ويىن الاڭى اشىلعاننان كەيىن، قۇرىق اۋىلى اكىمى اپپاراتىنىڭ ۇيىمداستىرۋىمەن ستريتبول، ەستافەتا، ارقان تارتۋ، بەس اسىق جانە قول كۇرەس تۇرلەرىنەن سپورتتىق سايىستار ءوتتى.
سپورتتىق ءىس-شارانىڭ ناتيجەسى بويىنشا جەڭىمپازدارعا قۇرىق اۋىلى اكىمىنىڭ ديپلومى مەن اقشالاي سىيلىقتار تابىس ەتىلدى.
پىكىر قالدىرۋ