موعولستان پرەزيدەنتى حالتماگيين باتتۋلگا اقش پرەزيدەنتى دونالد ترامپتىڭ 13 جاستاعى ۇلى بەررونعا تۇلپار تارتۋ ەتتى دەپ جازادى Qamshy.kz اقپارات اگەنتتىگى CA-NEWS سايتىنا سىلتەمە جاساپ.
جىلقى موڭعول مادەنيەتىندە وتە ەرەكشە ورىن الادى. بۇل ەر بالالارعا بەرىلەتىن ءداستۇرلى سىيلىق. ەڭ قىمبات ءارى سۇرانىستا بولعان جانە بولاتىن دا سىيلىقتىڭ تورەسى تۇلپار بولىپ قالماق.
بەررون — دونالد ترامپتىڭ ءۇشىنشى نەكەدەگى ايەلى مەلانيي ترامپتان تاراعان جالعىز ۇلى.
قازىرگى ۋاقىتتا موڭعوليا پرەزيدەنتى امەريكا قۇراما شتاتتارىندا مەملەكەتتىك ساپارمەن ءجۇر. ول وكىلدىك دەلەگاسيانى باسقارادى. دەلەگاسيا قۇرامىنىڭ ىشىندە سىرتقى ىستەر مينيسترلىگىنىڭ باسشىسى دامدينا سوگتبااتار، پارلامەنتتىك كوميتەتتىڭ ءتوراعاسى دۋلامسۋرەنگين ويۋۋنحورول، قاۋىپسىزدىك كەڭەسىنىڭ حاتشىسى امارجارعالىن گانسۋح جانە پرەزيدەنت اكىمشىلىگىنىڭ باسشىسى زاندااحۋجين ەنحبولد بار.
پىكىر قالدىرۋ