الەۋمەتتىك جەلىدە تاراعان الاكول كولىنە قۇبىر ارقىلى لاي سۋ توگىلىپ جاتقانى بەيلەگەنگەن ۆيدەوعا بايلانىستى الماتى وبلىسى الاكول اۋدانى اكىمىنىڭ باسپا ءسوز قىزمەتى تۇسىنىك بەردى دەپ جازادى Qamshy.kz اقپارات اگەنتتىگى inform.kz-كە سىلتەمە جاساپ.
ماسەلەگە قاتىستى الاكول اۋدانىنىڭ اكىمدىگى ارنايى كوميسسيا قۇرىلعانىن جەتكىزدى.
«قۇرمەتتى الاكول اۋدانىنىڭ تۇرعىندارى مەن قوناقتارى! بەينەجازبادا كورسەتىلگەن سۋ «كوكتەم گراند» دەمالىس ورنىنىڭ باسسەينىنەن اققان سۋ ەكەنىن حابارلايمىز. كولگە ەشقانداي زيانى جوق. اۋدان اكىمدىگىنىڭ قىزمەتكەرلەرى تاراپىنان اتالعان جەرگە بارىپ، تەكسەرۋ جۇمىستارى جۇرگىزىلدى. وزدەرىڭىزگە بەلگىلى تارالعان بەينەجازبادا كورسەتىلگەن «كوكتەم گراند» دەمالىس ورنىنىڭ باسسەينىنەن كولگە قۇيىلىپ جاتقان سۋ ماسەلەسى بويىنشا بۇگىن اۋداندىق كوميسسيا قۇرىلدى»، – دەدى الاكول اۋدانى اكىمىنىڭ باسپا ءسوز قىزمەتىنەن.
ءقازىر سورعىشتان اققان سۋ توقتاعان.
"بەينەجازباداعى اققان سۋ ەشقانداي حلورسىز، تازا باسسەيننىڭ كولدەن الىنعان سۋى. سۋ سوراتىن سورعىش سول ۋاقىتتا ىستەن شىققاندىقتان، ىشكە الىناتىن سۋ كەرى قايتقان. ال دەمالىس ورنىنىڭ دارەتحانا قۇبىرى بولەك جەردە ورنالاسقان. اۋداندىق تاۋارلار مەن كورسەتىلگەن قىزمەتتەردىڭ ساپاسى مەن قاۋىپسىزدىگىن باقىلاۋ باسقارماسىنىڭ ماماندارى قازىرگى ۋاقىتتا زەرتحانالىق سىنامالار الۋدا»، – دەلىنگەن الاكول اۋدانى اكىمىنىڭ باسپا ءسوز قىزمەتى تاراتقان اقپاراتتا.
ەسكە سالا كەتەيىك، الاكول كولىنە بەلگىسىز لاي سۋ قۇبىر ارقىلى توگىلىپ جاتقانىن تۋريستتەر حابارلاعان بولاتىن. بەينەجازباعى مالىمەتكە سايكەس، كولگە توگىلىپ جاتقان سۋدىڭ جاعىمسىز ءيىسى بار.
پىكىر قالدىرۋ