ارىستاعى جوندەۋ جۇمىستارى 1 ايدا بىتكەن جوق بۇعان دەيىن بيلىك 24 ماۋسىمدا ورىن العان كۇشتى جارىلىستان قاتتى زاقىم كەلگەن ارىس قالاسىنداعى ۇيلەردى 1 ايدا جوندەپ بىتىرەتىنىن مالىمدەگەن، دەپ حابارلايدى Qamshy.kz اقپارات اگەنتتىگى.

ق ر پرەمەر-مينيسترىنىڭ ورىنباسارى جەڭىس قاسىمبەك ۇكىمەت ۇيىندە وتكەن باسپا ءسوز ءماسليحاتىندا ارىستا 250-دەن استام قۇرىلىس كومپانياسى جۇمىس ىستەپ جاتقانىن، وندا قاجەتتى تەحنيكانىڭ ءبارى جەتكىلىكتى ەكەنىن، كەرەك قاراجات ۇكىمەتتىڭ رەزەرۆىنەن تولىعىمەن بولىنگەنىن ايتقان بولاتىن. وسى ماقساتتا ارىستا 10 مىڭنان استام قۇرىلىسشى جۇمىس ىستەپ جاتقانىن، تەك قانا تۇرعىن ءۇي ەمەس، بيزنەس وبەكتىلەرى، الەۋمەتتىك نىساندار – اۋرۋحانالار، مەكتەپتەر، بالاباقشالار، جولدار، ينفراقۇرىلىمى ءبىر ايدىڭ ىشىندە اياقتالاتىنىن حابارلاعان. الايدا ارادا 1 ايدان استام ۋاقىت ءوتتى. ارىس قالاسىندا تۇرعىن ۇيلەردى جوندەپ بىتپەك تۇگىلى، كەي نىسانداردا جوندەۋ جۇمىستارى باستالماعان.

بۇعان دەيىن شىلدەنىڭ 27 كۇنى ارىستىقتاردىڭ ارىزىمەن شاھارعا ارنايى ءتىلشى بارىپ، مايلى قوجا كوشەسىندەگى 44 پاتەرلى ءنومىرى 110ء-ۇيدىڭ تۇرعىندارى ەسىگى مەن تەرەزەسى قيراپ، ءتۇسىپ قالعان پاتەردە ءبىر ايدان بەرى تۇرىپ جاتقانىن كورىپ قايتقان ەدى. ول ۇيگە بارعاندا جوندەۋ جۇمىستارىن جۇرگىزىپ جاتقان بىردە-بىر قۇرىلىسشىنى بايقاماعان. ال، تۇركىستان وبلىسىنا تيەسىلى 7 سەكتوردا قۇرىلىس جۇمىستارى قىزىپ جاتىر. ءبىراق، مۇنداعى جوندەۋ جۇمىستارىنىڭ دا 1-2 كۇندە بىتپەيتىنىن اڭعارۋ قيىن ەمەس. ماسەلەن وسىندا 15 ۇيگە جوندەۋ جۇمىستارىن جۇرگىزىپ جاتقان "AG ەكسكليۋزيۆ" قۇرىلىس كومپانياسى وكىلىنىڭ سوزىنە سەنسەك، تەك تامىز ايىنىڭ سوڭىنا قاراي جۇمىستاردىڭ 90 پايىزى بىتەدى ەكەن.

"15 ءۇيدى جوندەپ جاتىرمىز. ونىڭ ىشىندە 4 ءۇي بۇزىلىپ، قايتا سالىنادى. قالعان 11 ءۇيدى كۇردەلى جوندەۋدەن وتكىزەمىز. ال قالعان 11 ءۇيدىڭ تاعى 3 ءۇيى باسپانالارىن جوندەۋگە كەلىسپەي وتىر. بۇزىپ قايتا سالدىرامىز دەيدى. قالعان 9 ءۇيدى 1 تامىزدا تاپسىرۋدى جوسپارلاپ وتىرمىز. بارلىق جۇمىستاردى 20 تامىزعا قاراي 100 پايىز بولماسا دا، 90 پايىز بىتىرەمىز"، – دەگەن بولاتىن "AG ەكسكليۋزيۆ" كومپانياسى ديرەكتورىنىڭ ورىنباسارى ابجان باتۋلوۆ.

inbusiness.kz