ەلورداداعى بازارلاردىڭ بىرىندە ءورت بولىپ، "يارماركا" قويماسىندا ازىق-تۇلىك تاۋارلارى ساقتالعان 30 دۇڭگىرشەك جانىپ كەتتى، دەپ جازادى Qamshy.kz اقپارات اگەنتتىگى توتەنشە جاعدايلار كوميتەتىنىڭ باسپا ءسوز قىزمەتىنە سىلتەمە جاساپ.
"Big شانحاي" ساۋدا بازارىنىڭ اۋماعىنداعى ءورت تۋرالى حابارلاما 6 تامىز كۇنى 03:49-دا كەلىپ تۇسكەن. 04:35-تە ءورتتىڭ تارالۋى توقتاتىلىپ، 05:08-دە تولىق ءسوندىرىلدى.
ءتىلسىز جاۋ 500 شارشى مەتر اۋماقتى جالماعان. قۇربان بولعاندار مەن زارداپ شەككەندەر جوق.
ءورتتى سوندىرۋگە 44 ادام مەن 12 بىرلىك تەحنيكا جۇمىلدىرىلدى دەپ حابارلايدى استانالىق توتەنشە جاعدايلار كوميتەتى.
پىكىر قالدىرۋ