ىشكى ىستەر ءمينيسترى ەرلان تۇرعىمبايەۆ پاۆلودار وبلىستىق پوليسيا دەپارتامەنتىنىڭ باسشىلارىن جۇمىستان شىعارۋعا ۋادە بەردى دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.
ءىىم باسشىسىنىڭ پاۆلودار وبلىسىنىڭ پوليسيا قىزمەتكەرلەرىنىڭ جۇمىسىنا كوڭىلىن تولماي وتىر.
Nur Otan پارتياسىنىڭ قابىلداۋىنا وسى ءوڭىردىڭ تۇرعىندارى سۇراقتارىن قويدى. ەكىباستۇز تۇرعىنى نايليانا يماشيەۆا گاز باللونى جارىلۋى سالدارىنان اتا-اناسىنان ايىرىلعان ەكەن. ول باللوندى 2018 جىلى جانارماي قۇيۋ ستانسياسىنان العان.
"ول باللوندى قولدانعان جوقپىز، جاي عانا تۇرعان ەدى. بولعان ورتتەن انامنىڭ دەنەسىنىڭ 95 پايىزىن، اكەمنىڭ 73 پايىزىن كۇيىك شالدى. ءبىزدى جانساقتاۋ بولىمىنە جاتقىزدى، ءبىراق ءۇشىنشى كۇنى انام قايتىس بولدى. قىلمىستىق كودەكستىڭ 204-بابى بويىنشا ("بوتەننىڭ مۇلكىن ابايسىزدا جويۋ نەمەسە ءبۇلدىرۋ") ءىس قوزعادى"، - دەيدى نايليانا يماشيەۆا.
ونىڭ ايتۋىنشا، بۇل جاعدايدان سوڭ پوليسەيلەر سول كۇيى قىلمىستىق ءىس قوزعاعان جوق. ورتتەن قايتىس بولعانداردىڭ ولىمىنە كىمنىڭ كىنالى ەكەنىن انىقتاعان دا جوق.
"قىلمىستىق ءىس ماتەريالدارىندا قايتىس بولعاندار كورسەتىلمەگەن. كىمنىڭ كىنالى ەكەنى دە ايتىلماعان، كورسەتىلمەگەن. ەكىباستۇز قالالىق پوليسيا قىزمەتكەرلەرىنە حات جازدىق، ءبىراق ولار جاۋاپ بەرمەيدى. كەيىنىرەك پوليسيا باسشىسى ءبىزدى شاقىرتىپ، ءىستىڭ ازاماتتىق سوتتا قارالاتىنىن ايتتى"، - دەيدى ەكىباستۇز تۇرعىنى.
مينيستر ايەلدىڭ بۇل شاعىمىن تىڭداپ، قىلمىستىق ءىستى تىركەۋدى تاپسىردى.
"ءىىم وكىلدەرىنە باراسىز، تەرگەۋ دەپارتامەنتىمەن بايلانىساسىز. بارلىعى تەكسەرىلىپ، تىركەلەدى. سونداي-اق، وندا تاعى ادامداردى جىبەرىڭدەر. جانارماي قۇيۋ ستانسيا قىزمەتكەرلەرىنەن جاۋاپ السىن. ورت-تەحنيكالىق ساراپتامانى قايتا جاڭارتىڭدار. مۇنىڭ ەش قيىندىعى جوق"، - دەدى مينيستر كومەكشىلەرىنە.
وسىدان كەيىن تۇرعىمبايەۆ پاۆلودار وبلىسىنا تۇرعىندار ءجيى ايتاتىن شاعىمدارمەن اينالىساتىن ارنايى كوميسسيانى جىبەرۋگە ۋادە بەردى.
"جازالاۋ تۋرالى بۇيرىق دايىنداپ قوي، قىزمەتتەرىنەن بوساتۋعا دەيىن بارامىز. پاۆلودار، ەستىپ تۇرسىزدار ما؟ سىزدەردىڭ دەپارتامەنت باسشىلارىڭىز ەڭبەك دەمالىسىنان قاشان شىعادى؟ وسى ماسەلە بويىنشا تەكسەرىس جۇرگىزىلەدى؟ ەكى ادام قازا تاپتى، ەكى ادامدى كۇيىك شالدى - كىنالىلەر جوق پا؟ جالپى، پاۆلودار، سىزدەردىڭ جۇمىستارىڭىزعا كوڭىلىم تولمايدى؟ ادامدار وسىلاي شاعىمدارىن ايتىپ جاتىر، ءبىراق ەشقانداي رەاكسيا جوق. ءقازىر وسى دەرەكتەردى تەكسەرەتىن ادامداردى جىبەرەمىن"، - دەدى ىشكى ىستەر ءمينيسترى.
پىكىر قالدىرۋ