ارىس قالاسىنىڭ تۇرعىنى مەملەكەتتەن وتەماقى الۋ ءۇشىن ءوز ءۇيىن بۇزىپ تاستاعان. بۇل تۋرالى تۇركىستان وبلىسى اكىمشىلىگىنىڭ باسپا ءسوز قىزمەتى حابارلادى دەپ جازادى Qamshy.kz اقپارات اگەنتتىگى.

اتالعان ۇياتتى ارەكەتتى اشكەرەلەۋ ءۇشىن وبلىستىق اكىمشىلىكتىڭ باسپا ءسوز حاتشىسى ساكەن قالقامانوۆ ءوزىنىڭ جەلىدەگى پاراقشاسىنا قوس ۆيدەو جۇكتەدى.

«باسسىزدىقتىڭ بۇدان جوعارى دەڭگەيى بار ما؟ ارىس قالاسىنىڭ تولە بي 183 مەكەن-جايىندا تۇراتىن تۇرعىنى ءوزىنىڭ ءۇيىن بالتالاپ تاستاپتى. العاشقى ۆيدەودا ءۇي ەگەسىنىڭ قۇرىلىسشىلارمەن كەلىسپەي، ولارعا ءۇيدى بۇزۋدى تالاپ ەتكەنى كورىنەدى. ال كەلەسى كۇنى ءۇي احۋالى كەلەسى ۆيدەوداعىداي بولعان»، - دەيدى قالقامانوۆ.

«ءوز مۇلكىڭدى سانالى تۇردە ءبۇلدىرۋ – شەكتەن شىققاندىق»، - دەدى ول.