شقو پوليسيا قىزمەتكەرلەرى شارتتى تۇردە «جىلدامدىق» («سكوروست») دەپ اتالاتىن پسيحواكتيۆتى زاتتاردى ساتقان ازاماتتاردى قۇرىقتادى دەپ جازادى Qamshy.kz اقپارات اگەنتتىگى.

ءۇش ازاماتتىڭ تۇرعىلىقتى مەكەن-جايىن ءتىنتۋ بارىسىندا سينتەتيكالىق ەسىرتكىنىڭ جاڭا ءتۇرىنىڭ ءىرى مولشەردەگى دوزاسى تابىلعان. ەسىرتكىنىڭ بۇل تۇرىنە ۇستىمىزدەگى جىلدىڭ شىلدە ايىنان باستاپ تىيىم سالىنعان.

اتالعان فاكت بويىنشا ق ر قك 297-بابى بويىنشا (ەسىرتكى، پسياكتيۆتى زاتتار، قوسپالاردى زاڭسىز ساتۋ، تاراتۋ، جاساۋ) قىلمىستىق ءىس قوزعالدى.

شەندىلەر 2019 جىلدىڭ شىلدە ايىنان باستاپ قازاقستاندا ەسىرتكى زاتتارىنىڭ جاڭا تۇرلەرىمەن قوسا تىيىم سالىنعان ءتىزىم جاساۋدى جانە تاپسىرمانى جەدەل كۇشىنە ەنگىزۋدى مىندەتتەيتىن زاڭعا وزگەرىس ەنگىزىلگەنىن ەسكەرتتى.

ايتا كەتەيىك، ۇستىمىزدەگى جىلدىڭ العاشقى جارتىجىلدىعىندا ناركوپوليسەيلەر سينتەتيكالىق ەسىرتكىنى تاراتۋعا قاتىستى 56 فاكتىنى انىقتادى. ونىڭ 26-سى ساتۋمەن اينالىسقان. 2،6 كگ استام پسيحواكتيۆتى زاتتار تاركىلەنگەن.