جامبىل وبلىستىق حالىق شىعارماشىلىعى ورتالىعىنىڭ ۇيىمداستىرۋىمەن «جاستار جىلى» اياسىندا جانە جامبىل وبلىسىنىڭ 80 جىلدىعىنا وراي ءوتىپ جاتقان «جامبىلىم قانداي تاماشا!» اتتى مەرەكەلىك كونسەرتى جالعاسىن تابۋدا. ەكتى شكەارا قورداي اۋدانى كوركەمونەرپازدارىنىڭ قاتىسۋىمەن ءوتتى دەپ جازادى Qamshy.kz اقپارات اگەنتتىگى. 

كونسەرتتىك باعدارلامادا وبلىستىق كۇيشىلەر بايقاۋىنىڭ جۇلدەگەرى قۋانىش احمەتوۆ «شاتتانامىن»، «قۋانىش»، «ماڭگىلىك» تاقىرىبىنداعى شىعارالارىن تارتۋ ەتسە، رەسپۋبليكالىق ءان بايقاۋلارىنىڭ جۇلدەگەرى جاناي ايداي «حالقىم-اي»، ا.ەلىبايەۆ «اسۋ قورداي» ءانىن ناقىشىنا كەلتىرە شىرقادى.

سونىمەن قاتار، «جايناي بەر، جاستار، جاڭاشا!»، «بۇل ومىردە»، «اينالايىن»، «قازاعىم» جانە تاعى دا ءبىرقاتار اۋەزدى اندەر ايتىلىپ، «اققۋ» حالىقتىق بي ءانسامبلىنىڭ بيشىلەرى «مۇڭايما»، «وزبەك ءبيىن» بيلەدى.

مەرەكەلىك كەشتىڭ ءار اپتا سايىن ءوتىپ جاتقاندىعىنا قالا تۇرعىندارى دا ۇيرەنىپ قالعان. شارانى تاماشالاۋعا كەلگەن جۇرتتىڭ دا قاراسى قالىڭ. ءار كونسەرتتە كورەرمەننىڭ قوشەمەتى مەن ىستىق ىقلاسى سەزىلەدى.

– بۇگىنگى كونسەرت تە كوڭىلىمىزدەن شىقتى، كەرەمەت. بۇرىن مۇنداي جاز بويى اپتا سايىن كونسەرت بولماۋشى ەدى. جاز بويى ءوتىپ جاتقان وسى «جامبىلىم، قانداي تاماشا!» كونسەرتىن تاماشالاۋمەن كەلەمىن. جاقسى عوي. تۇرعىنداردىڭ بوس ۋاقىتىن ءتيىمدى پايدالانىپ، كۇندەلىكتى كۇيبەڭ تىرلىكتەن شارشاعاندا ءبىر مەزگىل دەم الىپ، كوڭىل كوتەرەدى. كونسەرت سوڭىندا ديسكوتەكا، جاستاردىڭ جايدارلى جۇزدەرى مەن جارقىن كۇلكىسىن كورەسىڭ الاڭنان. وسىنداي شارانى وتكىزىپ جاتقان ۇيىمداستىرۋشىلارعا راقمەت. الداعى ۋاقىتتا دا ءوز جالعاسىن تابادى دەپ سەنەمىز، – دەيدى قالا تۇرعىنى جاناربەك شىمىرقۇلوۆ.

ال، وتكەن اپتادا ب.مومىش ۇلى اتىنداعى «جەڭىس» ساياباعىندا سارىسۋ اۋدانىنىڭ ونەرپازدارى ءان شىرقادى. جامبىل وبلىسىنىڭ 80 جىلدىعىنا وراي جانە «جاستار جىلى» اياسىندا ءوتىپ جاتقان مەرەكەلىك شارا بۇل جۇمادا دا جامبىل جۇرتشىلىعىنا جاعىمدى كوڭىل-كۇي سىيلادى.

باعدارلامانىڭ باسى مەيىرجان وماروۆ پەن ءمولدىر مۇسايەۆانىڭ ورىنداۋىنداعى «قازاق ەلى» انىمەن باستالدى. ودان كەيىن وزگە دە تالانتتى انشىلەر «مەرەكە»، «قىزىمىن ەلدىڭ»، «قازاقستان»، «بوز ورامال»، «سەن مەنى ۇمىتپا»، «وتانىم قازاق ەلى»، «تۋعان جەر»، «گۇلمىن»، «سىڭارىم»، سىندى قازاق ەستراداسىندا كەڭىنەن تانىلىپ جۇرگەن ءبىرقاتار اۋەزدى اندەردى شىرقالدى.

كەش سوڭىندا عالىمجان تەزەكبايەۆ پەن بەرىك سەرىكبايەۆ «ماڭگىلىك ەل» ءانىن ناقىشىنا كەلتىرە ورىنداپ، كورەرمەندىڭ ىستىق ىقلاسىنا بولەندى.

شاتىققا تولى شارانىڭ جالعاسى ادەتتەگىدەي كوڭىلدى بيگە ۇلاستى.

ەستەرىڭىزگە سالا كەتەيىك، ءار اپتانىڭ جۇما جانە سەنبى كۇندەرى ءوتىپ جاتقان «جامبىلىم قانداي تاماشا!» مەرەكەلىك كونسەرتى وسى اپتادا ت.رىسقۇلوۆ اۋدانى ونەرپازدارىنىڭ كونسەرتىمەن ءوز مارەسىنە جەتەتىن بولادى. وبلىستىق حالىق شىعارماشىلىعى ورتالىعىنىڭ ۇيىمداستىرۋىمەن جاز بويى جامبىل جۇرشىلىعىنا جاعىمدى كوڭىل-كۇي سىيلاپ كەلەگەن اۋدان ونەرپازدارىنىڭ قورىتىندى گالا كونسەرتى قىركۇيەك ايىندا.