الماتى اكىمى باقىتجان ساعىنتايەۆ مەگاپوليس اۋداندارىنىڭ تۇرعىندارىمەن كەزدەسۋدى جالعاستىرۋدا دەپ حابارلايدى Qamshy.kz اقپارات اگەنتتىگى.
"بۇگىن جەتىسۋ اۋدانىندا ەكى ساعات ىشىندە 52 ادام وزدەرىنىڭ سۇراقتارىن قويدى"، - دەپ جازدى باقىتجان ساعىنتايەۆ ينستاگرام پاراقشاسىندا.
ءتۇرلى ماسەلەلەر كوتەرىلدى: تۇرعىن ءۇيدى جەكەشەلەندىرۋمەن قاتار اۋرۋحانالاردا مامانداردىڭ جەتىسپەيتىندىگى ايتىلدى.
ءبىرىنشى كەزەكتە بالالاردىڭ مەكتەپكە دۇرىس قاتىناۋى ءۇشىن جاعدايلار جاسالماق. ال، قوعامدىق قاۋىپسىزدىككە بايلانىستى كريمينالدى اۋدانداردا قاجەتتى قوندىرعىلارمەن جابدىقتالعان پوليسيانىڭ ءموبيلدى پۋنكتتەرى ورناتىلادى. ەرتەڭ ونىڭ العاشقىسى ىسكە كىرىسپەك.
مونوپوليستەردىڭ جۇمىستارىنا قاتىستى كوپتەگەن ساۋالدار قويىلدى: جارىقتىڭ مەزگىلسىز ءسونىپ قالۋى، تۇرعىنداردىڭ گرق-دەگى گازدىڭ يسىنەن تاۋلىك بويىنا تەرەزەلەرىن اشىپ قويۋى. قازىرگى كەزدە ماسەلەنى شەشۋ جولدارىن قاراستىرىلۋدا.
پىكىر قالدىرۋ