پرەزيدەنتتىك جاستار كادر رەزەرۆىنىڭ كەيبىر ماسەلەلەرى تۋرالى
1. قازاقستان رەسپۋبليكاسى پرەزيدەنتىنىڭ جانىنداعى جاستار كادر رەزەرۆى جونىندەگى ۇلتتىق كوميسسيا (بۇدان ءارى – ۇلتتىق كوميسسيا) قۇرىلسىن.
2. قوسا بەرىلىپ وتىرعان:
1) ۇلتتىق كوميسسيا تۋرالى ەرەجە؛
2) ۇلتتىق كوميسسيانىڭ قۇرامى؛
3) پرەزيدەنتتىك جاستار كادر رەزەرۆىن قالىپتاستىرۋ قاعيدالارى بەكىتىلسىن.
3. وسى جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتى ق.توقايەۆ
نۇر-سۇلتان، اقوردا، 2019 جىلعى 27 تامىز
№141
قازاقستان رەسپۋبليكاسى
پرەزيدەنتىنىڭ
2019 جىلعى 27 تامىزداعى
№ 141 جارلىعىمەن
بەكىتىلگەن
قازاقستان رەسپۋبليكاسى پرەزيدەنتىنىڭ جانىنداعى
جاستار كادر رەزەرۆى جونىندەگى ۇلتتىق كوميسسيا تۋرالى
ەرەجە
1. جالپى ەرەجەلەر
1. قازاقستان رەسپۋبليكاسى پرەزيدەنتىنىڭ جانىنداعى جاستار كادر رەزەرۆى جونىندەگى ۇلتتىق كوميسسيا (بۇدان ءارى – ۇلتتىق كوميسسيا) پرەزيدەنتتىك جاستار كادر رەزەرۆىن (بۇدان ءارى – رەزەرۆ) قالىپتاستىرۋ ماقساتىندا قۇرىلادى.
2. ۇلتتىق كوميسسيا ءوز قىزمەتىندە قازاقستان رەسپۋبليكاسىنىڭ كونستيتۋسياسىن، قازاقستان رەسپۋبليكاسىنىڭ زاڭنامالىق اكتىلەرىن، قازاقستان رەسپۋبليكاسى پرەزيدەنتىنىڭ اكتىلەرىن جانە وسى ەرەجەنى باسشىلىققا الادى.
2. ۇلتتىق كوميسسيانىڭ مىندەتتەرى
3. ۇلتتىق كوميسسيانىڭ مىندەتتەرى:
1) رەزەرۆتى قالىپتاستىرۋ بويىنشا جۇمىستى جالپى ۇيلەستىرۋ؛
2) رەزەرۆكە الۋ تۋرالى ماسەلەلەردى شەشۋ؛
3) رەزەرۆتى قالىپتاستىرۋ ماسەلەلەرى بويىنشا قازاقستان رەسپۋبليكاسى پرەزيدەنتىنىڭ تاپسىرمالارىن ورىنداۋدى قامتاماسىز ەتۋ بولىپ تابىلادى.
3. ۇلتتىق كوميسسيانىڭ فۋنكسيالارى
4. ۇلتتىق كوميسسياعا مىندەتتەرىنە سايكەس مىناداي فۋنكسيالار جۇكتەلەدى:
1) رەزەرۆكە الۋعا ۇسىنىلعان كانديداتتاردى قاراۋ؛
2) ۇلتتىق كوميسسيانىڭ قۇزىرەتىنە كىرەتىن ماسەلەلەر بويىنشا مەملەكەتتىك ورگانداردان جانە وزگە دە ۇيىمداردان اقپارات سۇراتۋ جانە الۋ؛
3) ۇلتتىق كوميسسيانىڭ قۇزىرەتىنە كىرەتىن ماسەلەلەر بويىنشا شەشىمدەر قابىلداۋ.
4. ۇلتتىق كوميسسيانىڭ قۇقىقتارى
5. ۇلتتىق كوميسسيا ءوز مىندەتتەرىنە سايكەس مىناداي قۇقىقتارعا يە:
1) ۇلتتىق كوميسسيانىڭ قۇزىرەتىنە كىرەتىن ماسەلەلەردى قاراۋعا مەملەكەتتىك ورگانداردىڭ، ۇيىمداردىڭ لاۋازىمدى ادامدارى مەن ماماندارىن تارتۋ؛
2) ۇلتتىق كوميسسيانىڭ وتىرىسىنا ۇلتتىق كوميسسيانىڭ مۇشەلەرى بولىپ تابىلمايتىن لاۋازىمدى جانە وزگە دە ادامداردى، سونداي-اق بۇقارالىق اقپارات قۇرالدارىنىڭ وكىلدەرىن شاقىرۋ.
5. ۇلتتىق كوميسسيانىڭ قۇرامى جانە قىزمەتىن ۇيىمداستىرۋ
6. ۇلتتىق كوميسسيا ءتوراعادان، ونىڭ ورىنباسارىنان جانە كوميسسيا مۇشەلەرىنەن تۇرادى.
7. ۇلتتىق كوميسسيانىڭ ءتوراعاسى:
1) ۇلتتىق كوميسسيانىڭ قىزمەتىنە جالپى باسشىلىقتى جۇزەگە اسىرادى؛
2) ۇلتتىق كوميسسيانىڭ وتىرىستارىن وتكىزۋ ورنى مەن ۋاقىتىن ايقىندايدى؛
3) ۇلتتىق كوميسسيانىڭ وتىرىستارىندا ءتوراعالىق ەتەدى؛
4) ۇلتتىق كوميسسيانىڭ مۇشەلەرىنە ورىنداۋعا مىندەتتى نۇسقاۋلار بەرەدى.
8. ۇلتتىق كوميسسيانىڭ ءتوراعاسى بولماعان ۋاقىتتا، سونداي-اق ونىڭ تاپسىرماسى بويىنشا ونىڭ فۋنكسيالارىن كوميسسيا ءتوراعاسىنىڭ ورىنباسارى ورىنداي الادى.
9. ۇلتتىق كوميسسيانىڭ وتىرىستارى قاجەتتىگىنە قاراي وتكىزىلەدى.
10. ۇلتتىق كوميسسيا ءتوراعاسىنىڭ تاپسىرماسى بويىنشا ۇلتتىق كوميسسيا مۇشەلەرىنىڭ سىرتتاي داۋىس بەرۋى وتكىزىلۋى مۇمكىن.
ۇلتتىق كوميسسيا مۇشەلەرىنىڭ سىرتتاي داۋىس بەرۋ مەرزىمى ۇلتتىق كوميسسيا مۇشەلەرىنە ماتەريالدار جىبەرىلگەن كۇننەن باستاپ ءۇش جۇمىس كۇنىنەن اسپاۋى ءتيىس.
سىرتتاي داۋىس بەرۋ مەرزىمى اياقتالعانعا دەيىن ۇلتتىق كوميسسيا مۇشەلەرى ءوز پىكىرلەرىن ۇلتتىق كوميسسيانىڭ جۇمىس ورگانىنا جازباشا تۇردە جولدايدى.
كورسەتىلگەن مەرزىمدە جاۋاپ ۇسىنىلماعان جاعدايدا ۇلتتىق كوميسسيا مۇشەسى شەشىم جوباسىن قابىلداۋعا داۋىس بەردى دەپ سانالادى.
11. ۇلتتىق كوميسسيانىڭ وتىرىسى نەمەسە سىرتتاي داۋىس بەرۋ ونىڭ قۇرامىنىڭ جالپى سانىنىڭ كەمىندە ۇشتەن ەكىسى وتىرىسقا قاتىسقان نەمەسە سىرتتاي داۋىس بەرۋگە قاتىسقان جاعدايدا زاڭدى بولىپ تابىلادى. ۇلتتىق كوميسسيانىڭ مۇشەلەرى وتىرىستارعا جانە سىرتتاي داۋىس بەرۋگە اۋىسۋ قۇقىعىنسىز قاتىسادى.
12. ۇلتتىق كوميسسيانىڭ شەشىمدەرى ۇلتتىق كوميسسيا وتىرىسىنا قاتىسۋشى نەمەسە سىرتتاي داۋىس بەرۋگە قاتىسۋشى مۇشەلەرىنىڭ جالپى سانىنىڭ قاراپايىم كوپشىلىك داۋىسىمەن اشىق داۋىس بەرۋ نەمەسە سىرتتاي داۋىس بەرۋ ارقىلى قابىلدانادى. داۋىستار تەڭ بولعان جاعدايدا ءتوراعانىڭ داۋىسى شەشۋشى بولىپ تابىلادى.
13. ۇلتتىق كوميسسيانىڭ شەشىمدەرى، وعان ۇلتتىق كوميسسيانىڭ ءتوراعاسى جانە حاتشىسى قول قوياتىن حاتتامامەن رەسىمدەلەدى.
ۇلتتىق كوميسسيانىڭ شەشىمدەرى ءتيىستى مەملەكەتتىك ورگاندارعا، ۇيىمدارعا جىبەرىلەدى جانە ۇلتتىق كوميسسيا بەلگىلەگەن مەرزىمدە مىندەتتى تۇردە قارالۋعا ءتيىس.
14. ۇلتتىق كوميسسيانىڭ حاتشىسى قازاقستان رەسپۋبليكاسى پرەزيدەنت اكىمشىلىگىنىڭ مەملەكەتتىك قىزمەت جانە كادر ساياساتى ءبولىمىنىڭ مەڭگەرۋشىسى بولىپ تابىلادى.
15. ۇلتتىق كوميسسيانىڭ جۇمىس ورگانى قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك قىزمەت جانە كادر ساياساتى ءبولىمى بولىپ تابىلادى.
ۇلتتىق كوميسسيانىڭ قىزمەتىن ۇيىمدىق قامتاماسىز ەتۋدى مەملەكەتتىك قىزمەت ىستەرى جونىندەگى ۋاكىلەتتى ورگان جۇزەگە اسىرادى.
قازاقستان رەسپۋبليكاسى
پرەزيدەنتىنىڭ
2019 جىلعى 27 تامىزداعى
№ 141 جارلىعىمەن
بەكىتىلگەن
قازاقستان رەسپۋبليكاسى پرەزيدەنتىنىڭ جانىنداعى
جاستار كادر رەزەرۆى جونىندەگى ۇلتتىق كوميسسيانىڭ
قۇرامى
قازاقستان رەسپۋبليكاسىنىڭ پرەزيدەنتى اكىمشىلىگىنىڭ باسشىسى، كوميسسيا ءتوراعاسى
قازاقستان رەسپۋبليكاسى پرەزيدەنتى كەڭسەسىنىڭ باستىعى، كوميسسيا ءتوراعاسىنىڭ ورىنباسارى
قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگىنىڭ ءتوراعاسى، كوميسسيا ءتوراعاسىنىڭ ورىنباسارى
قازاقستان رەسپۋبليكاسى پرەزيدەنتى اكىمشىلىگى باسشىسىنىڭ وڭىرلىك ساياسات ماسەلەلەرىنە جەتەكشىلىك ەتۋشى ورىنباسارى، كوميسسيا مۇشەسى
قازاقستان رەسپۋبليكاسى پرەزيدەنتى اكىمشىلىگىنىڭ مەملەكەتتىك قىزمەت جانە كادر ساياساتى ءبولىمىنىڭ مەڭگەرۋشىسى، كوميسسيانىڭ حاتشىسى
___________________
قازاقستان رەسپۋبليكاسى
پرەزيدەنتىنىڭ
2019 جىلعى 27 تامىزداعى
№ 141 جارلىعىمەن
بەكىتىلگەن
پرەزيدەنتتىك جاستار كادر رەزەرۆىن قالىپتاستىرۋ
قاعيدالارى
1-تاراۋ. جالپى ەرەجەلەر
1. وسى پرەزيدەنتتىك جاستار كادر رەزەرۆىن قالىپتاستىرۋ قاعيدالارى (بۇدان ءارى – قاعيدالار) پرەزيدەنتتىك جاستار كادر رەزەرۆىن (بۇدان ءارى – رەزەرۆ) قالىپتاستىرۋ ءتارتىبىن ايقىندايدى.
2. رەزەرۆكە ىرىكتەۋدى قازاقستان رەسپۋبليكاسى پرەزيدەنتىنىڭ جانىنداعى جاستار كادر رەزەرۆى جونىندەگى ۇلتتىق كوميسسيا (بۇدان ءارى – ۇلتتىق كوميسسيا) جۇزەگە اسىرادى.
3. رەزەرۆكە وتىز بەس جاستان اسپاعان، جوعارعى ءبىلىمى جانە بەس جىلدان كەم ەمەس ەڭبەك ءوتىلى بار قازاقستان رەسپۋبليكاسىنىڭ ازاماتى الىنۋى مۇمكىن.
قازاقستان رەسپۋبليكاسىنىڭ پرەزيدەنتى تاعايىنداعان مەملەكەتتىك قىزمەتشىلەر رەزەرۆكە ىرىكتەۋگە قاتىسۋعا جىبەرىلمەيدى.
4. رەزەرۆكە الىنعان ادامدار مىناداي لاۋازىمدار توپتارىنا ورنالاسا الادى:
سالالىق لاۋازىمداردىڭ توبى:
قازاقستان رەسپۋبليكاسىنىڭ مينيسترلەرى، ولاردىڭ ءبىرىنشى ورىنباسارلارى مەن ورىنباسارلارى؛
وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرىنىڭ ءبىرىنشى ورىنباسارلارى مەن ورىنباسارلارى؛
ورتالىق اتقارۋشى ورگاندار كوميتەتتەرىنىڭ ءتوراعالارى؛
ۇلتتىق باسقارۋشى حولدينگتەر، ۇلتتىق حولدينگتەر، ۇلتتىق كومپانيالار باسقارمالارىنىڭ ءتوراعالارى جانە مۇشەلەرى.
سالالىق لاۋازىمداردىڭ توبى قىزمەتتىڭ مىناداي باعىتتارىن قامتيدى:
ەكونوميكالىق جانە قارجىلىق ساياسات؛
الەۋمەتتىك ساياسات؛
ينفراقۇرىلىمدى جانە سەرۆيستىك سالالاردى، ونەركاسىپتى، اۋىل شارۋاشىلىعى مەن قورشاعان ورتانى قورعاۋدى دامىتۋ؛
سىرتقى جانە ىشكى ساياسات؛
قۇقىقتىق ساياسات؛
وڭىرلىك لاۋازىمداردىڭ توبى:
وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرى؛
وبلىستىق ماڭىزى بار قالالاردىڭ، وبلىستار اۋداندارىنىڭ جانە قالالارداعى اۋدانداردىڭ اكىمدەرى؛
باسقارۋشىلىق لاۋازىمداردىڭ توبى:
ورتالىق اتقارۋشى ورگانداردىڭ جاۋاپتى حاتشىلارى؛
قازاقستان رەسپۋبليكاسى كونستيتۋسيالىق كەڭەسى، پرەزيدەنتىنىڭ ءىس باسقارماسى، قازاقستان رەسپۋبليكاسى ورتالىق سايلاۋ كوميسسياسى، رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتى، قازاقستان رەسپۋبليكاسىنىڭ مەملەكەتتىك قىزمەت ىستەرى اگەنتتىگى اپپاراتتارىنىڭ باسشىلارى، قازاقستان رەسپۋبليكاسىنىڭ جوعارعى سوتى جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ (قازاقستان رەسپۋبليكاسى جوعارعى سوتى اپپاراتىنىڭ) باسشىسى؛
قازاقستان رەسپۋبليكاسى جوعارى سوت كەڭەسىنىڭ حاتشىسى – اپپارات باسشىسى؛
جاۋاپتى حاتشى لاۋازىمى ەنگىزىلمەگەن ورتالىق اتقارۋشى ورگاندار اپپاراتتارىنىڭ باسشىلارى، ادام قۇقىقتارى جونىندەگى ۇلتتىق ورتالىقتىڭ باسشىسى؛
وبلىستاردىڭ، رەسپۋبليكالىق ماڭىزى بار قالالاردىڭ، استانانىڭ اكىمدەرى اپپاراتتارىنىڭ باسشىلارى.
وسى تارماقتا اتالعان لاۋازىمدارعا تاعايىنداۋلار رەزەرۆكە الىنعان ادامداردىڭ قاتارىنان، سونداي-اق قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن وزگە دە ادامداردىڭ قاتارىنان جۇزەگە اسىرىلا الادى.
5. وسى قاعيدالار قازاقستان رەسپۋبليكاسىنىڭ قارۋلى كۇشتەرىندەگى، باسقا دا اسكەرلەرى مەن اسكەري قۇرالىمدارىنداعى، سونداي-اق «قازاقستان رەسپۋبليكاسى قۇقىق قورعاۋ جانە ارناۋلى مەملەكەتتىك ورگاندارى باسشىلىعىنىڭ پرەزيدەنتتىك رەزەرۆىن قالىپتاستىرۋ تۋرالى» قازاقستان رەسپۋبليكاسى پرەزيدەنتىنىڭ 2013 جىلعى 28 تامىزداعى № 624 جارلىعىنا سايكەس جۇزەگە اسىرىلاتىن قۇقىق قورعاۋ جانە ارناۋلى مەملەكەتتىك ورگانداردا باسشى لاۋازىمدارعا ورنالاسۋ ماسەلەلەرىن رەتتەمەيدى.
2-تاراۋ. رەزەرۆكە ىرىكتەۋ
6. رەزەرۆكە ىرىكتەۋ ءبىرقاتار دايەكتى كەزەڭدەردى قامتيدى:
1) رەزەرۆكە ىرىكتەۋدى وتكىزۋ تۋرالى حابارلاندىرۋدى جاريالاۋ؛
2) كانديداتتاردىڭ قۇجاتتارىن قابىلداۋ؛
3) كانديداتتاردىڭ تەوريالىق ءبىلىمىن تەستىلەۋ (بۇدان ءارى – تەستىلەۋ)؛
4) كانديداتتاردىڭ كوشباسشىلىق قاسيەتتەرىن، سىني ويلاۋىن، ستراتەگيالىق كوزقاراسىن، موتيۆاسياسى مەن قۇندىلىقتارىن باعالاۋ (ەسسە جازۋ، جوبالاردى تانىستىرۋ، ينتەرۆيۋدەن ءوتۋ جانە مەملەكەتتىك قىزمەت ىستەرى جونىندەگى ۋاكىلەتتى ورگان ايقىندايتىن باعالاۋدىڭ باسقا قۇرالدارى) (بۇدان ءارى – باعالاۋ كەزەڭى)؛
5) رەزەرۆكە ىرىكتەۋ جونىندەگى ساراپشىلىق كوميسسيادا (بۇدان ءارى – ساراپشىلىق كوميسسيا) كانديداتتارمەن اڭگىمەلەسۋ؛
6) ساراپشىلىق كوميسسيا رەزەرۆكە الۋعا ۇسىنعان كانديداتتاردى ۇلتتىق كوميسسيانىڭ وتىرىسىندا قاراۋ.
رەزەرۆكە ىرىكتەۋدىڭ كەزەڭدەرى اقپاراتتىق جۇيەلەر قولدانۋ ارقىلى جۇرگىزىلۋى مۇمكىن.
رەزەرۆكە ىرىكتەۋ كەزەڭدەرىن وتكىزۋ مەرزىمدەرىن ۇلتتىق كوميسسيا ايقىندايدى.
7. ىرىكتەۋدى جۇرگىزۋ تۋرالى حابارلاندىرۋ مەملەكەتتىك قىزمەت ىستەرى جونىندەگى ۋاكىلەتتى ورگاننىڭ (بۇدان ءارى – ۋاكىلەتتى ورگان) ينتەرنەت-رەسۋرسىندا، سونداي-اق رەسپۋبليكالىق بۇقارالىق اقپارات قۇرالدارىندا جانە باسقا رەسۋرستاردا جاريالانادى.
حابارلاندىرۋ وسى قاعيدالاردا ايقىندالعان رەزەرۆكە ىرىكتەۋدىڭ ءتارتىبى تۋرالى اقپاراتتى، قۇجاتتاردى تاپسىرۋ مەرزىمىن قامتيدى.
8. ىرىكتەۋگە قاتىسۋ ءۇشىن مىناداي قۇجاتتار ۇسىنىلادى:
1) جەكە باستى كۋالاندىراتىن قۇجاتتىڭ كوشىرمەسى؛
2) ءبىلىم تۋرالى قۇجاتتىڭ كوشىرمەسى؛
3) ەڭبەك قىزمەتىن راستايتىن قۇجاتتىڭ كوشىرمەسى.
كانديدات قۇجاتتاردى تاپسىرۋ كەزىندە ونىڭ دەربەس دەرەكتەرى، ءبىلىمى مەن جۇمىس تاجىريبەسى تۋرالى مالىمەتتەر، رەزەرۆكە الىنعان جاعدايدا كانديدات ۇمىتتەنەتىن لاۋازىمدار توبى، وسى قاعيدالاردىڭ 4-تارماعىنا سايكەس سالالىق باعىت كورسەتىلەدى.
قۇجاتتارعا مىنا ادامداردىڭ بىرەۋىنەن ۇسىنىمحات قوسا بەرىلەدى:
كانديدات جۇمىس ىستەيتىن نەمەسە جۇمىس ىستەگەن ۇيىمنىڭ باسشىسىنان؛
ۇلتتىق كومپانيانىڭ، ۇلتتىق حولدينگتىڭ، ۇلتتىق دامۋ ينستيتۋتىنىڭ باسقارما ءتوراعاسىنان نەمەسە ونىڭ ورىنباسارىنان؛
مەملەكەتتىك ساياسي قىزمەتشىدەن؛
ورتالىق اتقارۋشى ورگاننىڭ جاۋاپتى حاتشىسىنان، ورتالىق نەمەسە جەرگىلىكتى مەملەكەتتىك ورگاننىڭ اپپارات باسشىسىنان ۇسىنىلادى.
قازاقستان رەسپۋبليكاسى سەناتىنىڭ، ءماجىلىسىنىڭ دەپۋتاتىنان، وبلىستىڭ، رەسپۋبليكالىق ماڭىزى بار قالانىڭ، استانانىڭ ءماسليحات حاتشىسىنان ۇسىنىلادى.
ۇسىنىمحات ۇيىمنىڭ نەمەسە لاۋازىمدى ادامنىڭ رەسمي بلانكىسىندە:
قول قويىلعان كۇنى، كانديداتتىڭ تەگى، اتى جانە ءجونى؛
ونىڭ كاسىبي جانە جەكە قاسيەتتەرى ايقىندالعان مىنەزدەمەلەر؛
كانديداتپەن ىنتىماقتاستىقتىڭ ۇزاقتىعى مەن جاعدايلارى كورسەتىلە وتىرىپ رەسىمدەلەدى.
قۇجاتتاردى تاپسىرعان كەزدە كانديدات رەزەرۆكە ىرىكتەۋدەن ءوتۋدىڭ تارتىبىمەن تانىسادى، سونداي-اق ىرىكتەۋدىڭ شارتتارىن قاتاڭ ساقتاۋ جانە ءوزى كورسەتكەن مالىمەتتەردىڭ شىنايىلىعىن قامتاماسىز ەتۋ بويىنشا وزىنە مىندەتتەمە الادى.
9. تەستىلەۋگە وسى قاعيدالاردىڭ 3-تارماعىندا كوزدەلگەن تالاپتارعا ساي كەلەتىن كانديداتتار جىبەرىلەدى.
تەستىلەۋدىڭ قورىتىندىسى بويىنشا ەڭ جوعارى ناتيجەلەردى جيناعان كانديداتتار رەزەرۆكە ىرىكتەۋدىڭ كەلەسى كەزەڭىنە جىبەرىلەدى.
رەزەرۆكە ىرىكتەۋدىڭ كەلەسى كەزەڭىنە جىبەرىلەتىن، ەڭ جوعارعى ناتيجەلەرى بار كانديداتتاردىڭ شەكتى سانىن ۇلتتىق كوميسسيا ايقىندايدى.
بىرنەشە كانديداتتا تەستىلەۋ ناتيجەلەرى بىردەي بولعان كەزدە ىرىكتەۋدىڭ كەلەسى كەزەڭىنە وسى تارماقتىڭ ءۇشىنشى بولىگىنە سايكەس انىقتالعان سانىنان اساتىن كانديداتتاردىڭ سانىنىڭ وتۋىنە جول بەرىلەدى.
رەزەرۆكە ىرىكتەۋگە قاتىسۋ ءۇشىن كانديدات ءوتىنىم بەرگەن كەزدە ۇسىنعان مالىمەتتەر مەن قۇجاتتارعا باعالاۋ كەزەڭىنىڭ الدىندا تەكسەرۋ جۇرگىزىلەدى.
10. باعالاۋ كەزەڭىندە كانديداتتاردى باعالاۋ ءۇشىن ۋاكىلەتتى ورگان سالالىق توپتاردى قۇرادى.
شەشىمدەردى قابىلداۋدىڭ ايقىندىعىن قامتاماسىز ەتۋ ءۇشىن بارلىق كانديداتتاردى باعالاۋ كەزەڭىندە قوعامداستىقتىڭ وكىلدەرى تارتىلۋى مۇمكىن.
باعالاۋ كەزەڭىنىڭ قورىتىندىسى بويىنشا ەڭ جوعارعى ناتيجەلەر العان كانديداتتار ساراپشىلىق كوميسسيادا اڭگىمەلەسۋگە جىبەرىلەدى.
ساراپشىلىق كەڭەستە اڭگىمەلەسۋگە وتكىزىلەتىن، ەڭ جوعارعى ناتيجەلەرى بار كانديداتتاردىڭ شەكتى سانىن ۇلتتىق كوميسسيا ايقىندايدى.
بىرنەشە كانديداتتا باعالاۋ كەزەڭىنىڭ قورىتىندىسى بويىنشا بىردەي ناتيجەلەر بولعان جاعدايدا ىرىكتەۋدىڭ كەلەسى كەزەڭىنە وسى تارماقتىڭ ءتورتىنشى بولىگىنە سايكەس انىقتالعان سانىنان اساتىن كانديداتتاردىڭ سانى ءوتۋى مۇمكىن.
11. ساراپشىلىق كوميسسيانىڭ قۇرامىن قازاقستان رەسپۋبليكاسىنىڭ پرەزيدەنتى اكىمشىلىگى ايقىندايدى.
ساراپشىلىق كوميسسيانىڭ وتىرىسىنا دايىندالۋ بارىسىندا كانديداتتار تۋرالى مالىمەتتەردى، ونىڭ ىشىندە ءتيىستى مەملەكەتتىك ورگانداردان سۇراتىلاتىن مالىمەتتەردى، سونداي-اق كانديداتتاردىڭ «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنىڭ 16-بابى 3-تارماعىنىڭ تالاپتارىنا سايكەستىگىن ۇلتتىق كوميسسيانىڭ جۇمىس ورگانى نەمەسە ۋاكىلەتتى ورگان قارايدى.
اڭگىمەلەسۋدىڭ قورىتىندىسى بويىنشا ىرىكتەۋدىڭ الدىڭعى كەزەڭدەرىنىڭ ناتيجەلەرىن ەسكەرۋمەن ساراپشىلىق كوميسسيا اشىق داۋىس بەرۋ ارقىلى رەزەرۆكە الۋعا ۇسىنىلاتىن كانديداتتاردىڭ ءتىزىمىن جاسايدى جانە ۇلتتىق كوميسسيانىڭ قاراۋىنا جولدايدى.
12. ىرىكتەۋگە قاتىسۋعا باس تارتۋدىڭ نەگىزى مىنالار بولىپ تابىلادى:
1) كانديداتتىڭ كورiنەۋ جالعان مالىمەتتى جانە قۇجاتتاردى بەرۋى؛
2) كانديداتتاردىڭ «قازاقستان رەسپۋبليكاسىنىڭ مەملەكەتتىك قىزمەتى تۋرالى» قازاقستان رەسپۋبليكاسى زاڭىنىڭ 16-بابى 3-تارماعىنىڭ تالاپتارىنا سايكەس ەمەستىگى.
13. ۇلتتىق كوميسسيا قازاقستان رەسپۋبليكاسى پرەزيدەنتىنىڭ شەشىمىمەن جاساقتالادى.
ۇلتتىق كوميسسيا كانديداتتاردى بەس جىل مەرزىمگە رەزەرۆكە الۋ تۋرالى شەشىم شىعارادى.
14. ۇلتتىق كوميسسيانىڭ شەشىمىنە سايكەس رەزەرۆكە الىنعان ادامدار بولىنگەن قاراجات شەگىندە قازاقستان رەسپۋبليكاسى پرەزيدەنتىنىڭ جانىنداعى ءبىلىم بەرۋ ۇيىمىنىڭ ءبىلىم بەرۋ باعدارلامالارى بويىنشا قىسقا مەرزىمدى وقىتۋ كۋرستارىنان وتە الادى.
پىكىر قالدىرۋ