قاراعاندى وبلىسى قارقارالى قالاسىندا ءاليحان بوكەيحان، احمەت بايتۇرسىن ۇلى، ءالىمحان ەرمەك ۇلىنىڭ قۇرمەتىنە ەسكەرتكىش اشىلدى، – دەپ حابارلايدى Qamshy.kz اقپارات اگەنتتىگى. بۇل تۋرالى ەلدوس توقتارباي اتتى فەيسبۋك قولدانۋشىسى جازدى.

"بۇگىن الاش يدەياسىنىڭ التىن بەسىگى – قارقارالى قالاسىندا "الاش ارىستارى" ەسكەرتكىشى اشىلدى. ءاليحان بوكەيحان، احمەت بايتۇرسىن ۇلى، ءالىمحان ەرمەك ۇلى اتالارىمىزدىڭ قۇرمەتىنە. قۇتتى بولسىن!

قۋان، قازاق! شاتتان، الاش! وشكەنىڭ جانىپ، ەلدىگىڭ تۇعىرىنا شىعىپ، ولگەنىڭ تىرىلگەن كۇن ەكەن! قارقارالى اۋدانىنىڭ اكىمىنە، ەسكەرتكىشتى ورناتقان قاھارماندارعا مىڭ العىس!

PS: شىركىن-اي، جەتىسۋدىڭ قاق ورتاسىندا بارلىبەك سىرتتان ۇلى، مۇحامەدجان تىنىشباي ۇلى، سادىق امانجول ۇلى، ىبىرايىم جايناق ۇلى، ءبىلال سۇلەي ۇلى، بازارباي مامەت ۇلى سىندى جەتىسۋلىق الاش ارىستارىنا وسىنداي ەڭسەلى ەسكەرتكىش قويىلسا، جاقسى بولار ەدى..."  – دەيدى ول.

ەسكەرتكىش اۆتورلارى – جەرگىلىكتى سۋرەتشى ساكەن داۋلەتبايەۆ، مۇسىنشىلەر تالعات بايورازوۆ پەن كەنجەبەك قوشانتايەۆ. ءمۇسىننىڭ  بيىكتىگى 3،15 مەتر، سالماعى 2 توننا.