وبلىس ورتالىعىنداعى ازاتتىق، ءابىلحايىر حان جانە ساتبايەۆ داڭعىلدارىندا ورامدى گۇلزار پايدا بولادى، – دەپ حابارلايدى اتىراۋ وبلىسىنىڭ وڭىرلىك كوممۋنيكاسيالار قىزمەتى.

بيىل قالا كوشەلەرىن كوگالداندىرۋ جۇمىستارى قارقىندى جۇرگىزىلۋدە. اتاپ ايتساق، كوكتەم مەن جاز مەزگىلدەرىندە 12 مىڭ شارشى مەتر جەرگە بىرنەشە مىڭ گۇل ەگىلدى. ولار: راۋشان، پەتۋنيا، تاگەتيس، سينەراريا، پورتۋلاك، سالۆيا. سونداي-اق، بارلىق كوشەلەر مەن ساياباقتاردا اعاشتاردى اكتەۋ، باعانالار مەن ارىقتاردى جوندەۋ، تالداردى سۋارۋ جانە 40 مىڭعا جۋىق اعاشتى باپتاۋ جۇمىستارى جۇرگىزىلدى.

سونىمەن قاتار، 3000-نان اسا اعاش پەن 700 مەتر اعاشتان تۇرعىزىلعان قورشاۋ وتىرعىزۋ جوباسى دا ازىرلەنۋدە. جاڭادان وتىرعىزىلعان اعاشتار تايمانوۆ پەن بايجىگىتوۆ كوشەلەرىندە، ال قورشاۋ ساتبايەۆ داڭعىلىنىڭ بويىندا كەي بولىكتەرىندە بوي كوتەرەدى. بۇل جۇمىستار الداعى كۇز مەزگىلىنە جوسپارلانىپ وتىر.