ءداستۇرلى ءانشى اقان ابدۋالييەۆ ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى بولىپ تاعايىندالدى، – دەپ حابارلايدى Qamshy.kz اقپارات اگەنتتىگى قازاقپاراتقا سىلتەمە جاساپ.

اقان جىلقىشىباي ۇلى ابدۋالييەۆ 1975 جىلى تۋعان. قۇرمانعازى اتىنداعى قازاق ۇلتتىق كونسەرۆاتورياسىن جانە الماتى ەكونوميكا جانە ستاتيستيكا اكادەمياسىن بىتىرگەن.

ەڭبەك جولىن ءسۇيىنباي اتىنداعى الماتى وبلىستىق فيلارمونياسىنىڭ جەكە ورىنداۋشىسى بولىپ باستاعان. ءار جىلدارى "قازاقكونسەرت" رمقك-دا اسپاپتا جەكە ورىنداۋشى، ج.ەلەبەكوۆ اتىنداعى ەسترادا-سيرك كوللەدجى مەن قۇرمانعازى اتىنداعى قازاق ۇلتتىق كونسەرۆاتورياسىنىڭ وقىتۋشىسى، ا.جۇبانوۆ اتىنداعى رەسپۋبليكالىق مەكتەپ ينتەرناتى ديرەكتورىنىڭ ورىنباسارى، ديرەكتورى، جامبىل اتىنداعى قازاق مەملەكەتتىك فيلارمونياسىنىڭ ديرەكتورى لاۋازىمدارىن اتقارعان.

2016 جىلدىڭ ماۋسىم ايىنان – الماتى وبلىسىنىڭ مادەنيەت، ارحيۆتەر جانە قۇجاتتاما باسقارماسىنىڭ باسشىسى، 2018 جىلدان باستاپ – الماتى وبلىسى اكىمىنىڭ ورىنباسارى بولعان.