بۇگىن، 2 قىركۇيەكتە پارلامەنتتىڭ بىرلەسكەن وتىرىسىن اشقان قازاقستان پرەزيدەنتى قاسىم-جومارت توقايەۆ قازاقستاننىڭ دامۋى جولىن بۇكىل الەم مويىنداعانىن ايتتى دەپ جازادى Qamshy.kz اقپارات اگەنتتىگى.
توقايەۆتىڭ ايتۋىنشا، قازاقستان ەلدىڭ بۇرىنعى پرەزيدەنتى نازاربايەۆتىڭ باسشىلىعىمەن "الەمدەگى بەدەلدى ءارى ورنىقتى مەملەكەتكە" اينالعان.
"ءبىز ەلىمىزدىڭ جاڭا تاريحىنداعى ماڭىزدى بەلەسكە جاقىنداپ كەلەمىز. 30 جىلعا جۋىق ۋاقىت بۇرىن حالقىمىز ءوزىنىڭ تاۋەلسىزدىگىن جاريالاپ، بابالارىمىزدىڭ عاسىرلار بويى اڭساعان ارمانىن ورىندادى. وسى ۋاقىت ىشىندە قازاقستاننىڭ تۇڭعىش پرەزيدەنتى - ەلباسى نۇرسۇلتان نازاربايەۆتىڭ باسشىلىعىمەن ەلىمىز الەمدەگى بەدەلدى ءارى ورنىقتى مەملەكەتكە اينالدى. باياندى بىرلىگىمىزدىڭ ارقاسىندا تاۋەلسىزدىگىمىزدى نىعايتىپ، حالقىمىزدىڭ جاعدايىن جاقسارتۋعا جول اشتىق. بۇل جاسامپازدىق پەن ىلگەرىلەۋ، بەيبىتشىلىك پەن كەلىسىم كەزەڭى بولدى. ەلىمىزدىڭ دامۋ جولىن بۇكىل الەم مويىنداپ، قازاقستاندىق، ياعني نازاربايەۆ مودەلى دەپ اتادى"، - دەدى توقايەۆ.
سونىمەن قاتار توقايەۆ سايلاۋالدى باعدارلاماسىندا حالىققا بەرگەن ۋادەلەرىنىڭ ءبارىن ورىندايتىن ايتتى.
"ءبىز بۇعان ەلباسى ساياساتىنىڭ ساباقتاستىعىن ساقتاپ، جۇيەلى رەفورمالار جۇرگىزۋ ارقىلى قول جەتكىزە الامىز. وزدەرىڭىزگە بەلگىلى، وسىنىڭ ءبارى مەنىڭ سايلاۋالدى باعدارلامامنىڭ نەگىزى بولدى. ءقازىر مەملەكەتتىك ورگاندار ونى جۇزەگە اسىرۋ ءۇشىن ءتيىستى جۇمىستار جۇرگىزىپ جاتىر. مەن حالىققا بەرگەن ۋادەلەرىمدى مىندەتتى تۇردە ورىندايمىن"، - دەدى پرەزيدەنت.
بۇگىن، 2 قىركۇيەكتە نۇر-سۇلتاندا پارلامەنتتىڭ بارلەسكەن وتىرىسى ءوتىپ جاتىر. اتالعان جيىندا ەل پرەزيدەنتى توقايەۆ قازاقستان حالىقىنا جوداۋ جولداپ جاتىر.
پىكىر قالدىرۋ