مەرەكەلىك كەشتە قالا تۇرعىندارى مەن قوناقتارى ءۇشىن "100 جاڭا ەسىم" جوباسىنىڭ جەڭىمپازى مەدەت چوتابايەۆ، تانىمال وپەرا ءانشىسى جۇپار عابدۋللينا، ق ر ەڭبەك سىڭىرگەن ءارتىسى، مەملەكەتتىك سىيلىقتىڭ لاۋرەاتى شاحيماردان ءابىلوۆ، ريمنەن كەلگەن سيلۆيا لي ونەر كورسەتتى.
بۇعان دەيىن اعايىندى ابدۋلليندەر اتىنداعى شىعىس قازاقستان ونەر ۋچيليششەسىنىڭ ستۋدەنتتەرى اراسىندا بايقاۋ ءوتتى. وعان قاتىسۋشىلار ۇرمەلى اسپاپتاردا، فورتەپيانو مەن سكريپكادا، سونداي-اق ۆيولونچەلدە ويناپ، ءوزارا كىم مىقتىنى انىقتادى.
بايقاۋدىڭ قورتىندىسى بويىنشا سۇلتان مۇحامەدقالييەۆ پەن ەۆا نوۆوحاتسكاياعا ارنايى شاكىرتاقى تاعايىندالدى.
ەستەرىڭىزگە سالا كەتەيىك، بۇعان دەيىن نۇر-سۇلتان، الماتى، پاۆلودار، شىمكەنت قالالارىندا دا ءدال وسىنداي بايقاۋ ۇيىمداستىرىلدى. جەڭىمپازدارعا 10 اي بويى 40 مىڭ تەڭگە كولەمىندە شاكىرتاقى تولەنىپ تۇرادى.
– قازاق ونەرىن الەمگە پاش ەتىپ، دارىندى جاستارعا قولداۋ كورسەتۋ ماقساتىندا بايقاۋدى وتكىزدىك، – دەدى ەۋرازياداعى ونەردى دامىتۋ قورىنىڭ پرەزيدەنتى ميحايل كيرحگوفف.
پىكىر قالدىرۋ