وعان سوناۋ فرانسيا، رەسەي، تۇركيا، ءۇندىستان، جاپونيا، ازەربايجان مەملەكەتتەرى مەن ەلىمىزدىڭ شىعارماشىلىق ينتەلليگەنسياسىنىڭ وكىلدەرى جينالدى. 

 

كونفەرەنسيا باستالماس بۇرىن جيىلعان قاۋىم سوڭعى جىلدارى شىعىس قازاقستان وبلىسىندا تابىلعان تاريحي جادىگەرلەر ۇسىنىلعان كورمەنى تاماشالادى. كورمەدەگى ەڭ باستى ەكسپوناتتاردىڭ قاتارىندا شقو-نى مەكەندەگەن ساق داۋىرىندەگى ادامداردىڭ كيىم-كەشەكتەرى مەن كۇندەلىكتى تۇرمىس-تىرشىلىكتە قولدانعان زاتتارى قايتا قالپىنا كەلتىرىلگەن كۇيىندە قوناقتارعا ۇسىنىلدى. 

 

 

كونفەرەنسيانى وبلىس اكىمىنىڭ ورىنباسارى اسەم ءنۇسىپوۆا اشتى.

 

– ءبىزدىڭ وڭىردە، 2016 جىلدان بەرى دامىتۋ باعدارلاماسى ىسكە اسىرىلۋدا. ناتيجەسىندە بەلگىلى عالىم ز.ساماشيەۆ پەن ءا.تولەۋبايەۆتىڭ جەتەكشىلىگىمەن 20 مىڭنان استام قۇندى ارتەكفاكت تابىلدى. وسىلايشا، وبلىستاعى تاريحي-ولكەتانۋ مۇراجايىنىڭ قورى تولىقتى. سوڭعى ءتورت جىلدىڭ ىشىندە جۇرگىزىلگەن ارحەولوگيالىق جۇمىستار بارىسىندا ەجەلگى مادەنيەت تۋرالى عىلىمي تانىمىمىزدى كەڭەيتتىك. بۇگىندە ۇلان اۋدانىنداعى اقباۋىر تاريحي كەشەنىنەن ساقتاردىڭ قونىسى تابىلدى. اسىرەسە، ءبىزدىڭ شىعىس وڭىرىندە التايدى زەرتتەۋگە زور كوڭىل ءبولىنىپ، قازبا جۇمىستارى جۇرگىزىلۋدە. ز.ساماشيەۆ، ءا.تولەۋبايەۆ سىندى وتاندىق عالىمداردىڭ جەتەكشىلىگىمەن بەرەل، شىلىكتى، ەلەكە سازىندا جۇرگىزىلىپ جاتقان قازبا جۇمىستارى دا ناتيجەسىز ەمەس. قازبا جۇمىستارى كەزىندە تابىلعان تاريحي جادىگەرلەرگە بۇگىندە شەتەل عالىمدارىنىڭ ءوزى تاڭداي قاعۋدا، – دەدى اسەم ءنۇسىپوۆا.

 

كونفەرەنسياعا تۇركيانىڭ قازاقستانداعى توتەنشە جانە وكىلەتتى ەلشىسى نيەۆزات ۋيانىك، كورەيانىڭ قازاقستانداعى ەلشىسى حان مان چۋن، ءۇندىستاننىڭ قازاقستانداعى ەلشىلىگىنىڭ ءبىرىنشى حاتشىسى، سۆامي ۆيۆەكاناندا اتىنداعى ءۇندى مادەني ورتالىعىنىڭ ديرەكتورى ساندجاي گارگ قاتىستى.

 

 

كونفەرەنسيا بارىسىندا زەينوللا ساماشيەۆ "قولا ءداۋىرى مەن ەرتە ورتاعاسىر كەزەڭىندەگى التاي-تارباعاتاي" تاريحى تۋرالى بايانداما جاسادى. بۇدان سوڭ ابدەش تولەۋبايەۆ شىلىكتى جازىعى مەن تارباعاتاي تاۋ بوكتەرىندەگى ەجەلگى جانە ورتاعاسىرداعى ەسكەرتكىشتەر تۋرالى كەڭىنەن باياندادى.

 

كونفەرەنسيا بارىسىندا ەديتەپ ۋنيۆەرسيتەتىنىڭ (ستامبۇل، تۇركيا) تاريح ءبولىمىنىڭ جەتەكشىسى، پروفەسسور احمەت تاشاعىل "جۇڭگو دەرەككوزدەرى بويىنشا ەجەلگى تۇرىكتەردىڭ تاريحى" تاقىرىبىندا ءدارىس وقىدى. سونىمەن قاتار ازەربايجان ۇلتتىق عىلىم اكادەمياسىنىڭ ارحەولوگيا جانە ەتنوگرافيا ينستيتۋتىنىڭ جەتەكشى عىلىمي قىزمەتكەرى، تاريح جونىندەگى فيلوسوفيا دوكتورى تاحيرا شاحبازوۆا (باكۋ، ازەربايجان) "ازەربايجانداعى قىپشاقتار: توپونيمدەردە ساقتالعان تاريح" اتتى بايانداماسىن جاسادى.