الماتى اكىمى باقىتجان ساعىنتايەۆ الماتىلىقتاردى مازالاعان ءبىراز ماسەلەنىڭ قالاي شەشىلەتىنىن ايتتى دەپ جازادى Qamshy.kz اقپارات اگەنتتىگى.
بۇل تۋرالى قالا اكىمى جەكە پاراقشاسىندا جازىپ ءوتتى.
"قالانىڭ بىرنەشە «وسال» ايماقتارىندا بولدىم. بۇل جەرلەر الماتىلىقتارمەن بولعان كەزدەسۋلەردە ايتىلعان ەدى.
باۋم باعى اباتتاندىرۋدى قاجەت ەتەدى. بىرەگەي ساياباق ايماعىنىڭ ەكولوگيالىق بالانسىن بۇزبايتىن تابيعي ماتەريالداردى پايدالانۋ جونىندەگى ساراپشىلاردىڭ پىكىرىن ەسكەرۋ قاجەت. «الماتى» گتس-2-دەن شىعاتىن گاز يىسىنە قاتىستى شاعىمدار.
«قازترانسگاز ايماق» كومپانياسى سىيىمدىلىقتاردى ودورانتپەن تولتىرۋ كەزىندە توگىلەتىن گازدى تازالاۋعا ارنالعان قوسىمشا سۇزگىلەر ورناتتى. «گتس-2 قۋاتىن الماتى قالاسىنان تىس جەرگە شىعارۋ» جوباسى اياسىندا «قازترانسگاز» اق-مەن «قايرات» ستانساسىندا جالعاستىرۋشى گاز قۇبىرىن سالۋ ماسەلەسى پىسىقتالۋدا. وسىلايشا گتس-2 گاز تاراتۋ پۋنكتىنە اۋىستىرىلادى. بۇل رەتتە ودوريزاسيا جۇيەسى قالادان تىس جەرگە شىعارىلادى.
ۇلكەن الماتى كانالىنا سۋ جىبەرۋ ءۇشىن مۇندا اعىمداعى جوندەۋ جۇمىستارىن جۇرگىزەمىز. سونىمەن قاتار، تۇرعىنداردىڭ ءوتىنىشى بويىنشا «دوروجنيك» ىقشاماۋدانىنداعى ەسەنتاي وزەنىنىڭ بويىندا ساياباق ايماعىن قۇرۋ مۇمكىندىگىن قاراستىرامىز" دەلىنگەن جازبادا.
پوسموترەت ەتۋ پۋبليكاسيۋ ۆ Instagram
پىكىر قالدىرۋ