قىتايدا كۇشى 5،4 باللدىق جەر سىلكىنىسى بولدى دەپ حابارلايدى Qamshy.kz اقپارات اگەنتتىگى tengrinews.kz سايتىنا سىلتەمە جاساپ.

اقپاراتقا سايكەس، تابيعي اپاتتىڭ وشاعى سىچۋان پروۆينسياسىنداعى نەيسزيان قالاسىنان 1 شاقىرىم جەردەن ءوتىپ، كىندىگى 10 شاقىرىم تەرەڭدىكتە تىركەلدى. 

ءزىلزال سالدارىنان ءبىر ادام قازا تاپتى. سونداي-اق، 29 ادام جارالانعان.

كەيىن سىچۋان پروۆينسياسىنىڭ وڭتۇستىك-باتىسىندا ماگنيتۋداسى 4،3 تاعى ءبىر جەر سىلكىنىسى تىركەلدى.

جۇڭگو سەيسمولوگيالىق ورتالىعىنىڭ مالىمەتىنشە، ءزىلزالا وشاعى ۆەيۋان ۋەزىنىڭ نەيسزيان قالاسىنان 20 شاقىرىم جەردە بولعان. جەر سىلكىنىسى جەرگىلىكتى ۋاقىتپەن ساعات 10:36-دا تىركەلگەن. ول 7 شاقىرىم تەرەڭدىكتە باستالعان. ول 16 ميلليون تۇرعىنى بار چەندۋ قالاسىنان 140 شاقىرىم، 31 ميلليون تۇرعىنى بار چۋنسين قالاسىنان 200 شاقىرىم جەردە بولدى.

سينحۋا اگەنتتىگىنىڭ حابارلاۋىنشا، ۆەيۋان ۋەزىندە بۇعان دەيىن ءبىر قۋاتتى جەر سىلكىنىسى بولعان. العاشقى جەر ءدۇمپۋىنىڭ ماگنيتۋداسى 5،4 بولدى، ول تاڭعى ساعات 06:42-دە تىركەلدى.