قازاقستاندىقتار "باسپانا حيت" باعدارلاماسى بويىنشا قايتالاما نارىقتان 13 مىڭنان استام پاتەر ساتىپ العان دەپ حابارلايدى Qamshy.kz اقپارات اگەنتتىگى Tengrinews.kz سايتىنا سىلتەمە جاساپ.

بۇل تۇرعىن ءۇيدى باستاپقى نارىقتان عانا ساتىپ الۋعا مۇمكىندىك بەرەتىن "7-20-25" باعدارلاماسىنا قاراعاندا، 3 مىڭ پاتەرگە ارتىق.

الايدا ماقۇلدانعان كرەديتتەر سوماسى "7-20-25" باعدارلاماسى بويىنشا 120 ميلليارد تەڭگەنى، "باسپانا حيت" باعدارلاماسى بويىنشا 104 ميلليارد تەڭگەنى قۇرادى.

"باسپانا حيت" پەن "7-20-25" باعدارلاماسى بويىنشا قارىز الۋشىلاردىڭ 62 پايىزىنىڭ اي سايىنعى تولەم سوماسى 100 مىڭ تەڭگەدەن اسپايدى. قايتالاما نارىقتان ساتىپ الىنعان تۇرعىن ۇيلەردىڭ ورتاشا قۇنى 9،8 ميلليون تەڭگەنى قۇرايدى. بۇل "7-20-25" باعدارلاماسى بويىنشا ساتىپ الىنعان تۇرعىن ۇيلەردىڭ ورتاشا قۇنىنان 4،5 ميلليون تەڭگەگە ارزان.

"ءبىز باعدارلامانىڭ ىسكە قوسىلۋىنىڭ باستاپقى كەزەڭدەرىندە-اق ساندىق كورسەتكىش بويىنشا "باسپانا حيت" "7-20-25" باعدارلاماسىنان باسىپ وزاتىنىنا سەندىك، سەبەبى نارىق مۇنداي سۇرانىسقا دايىن بولعان جوق. قايتالاما نارىقتىڭ تەرەڭدىگى باستاپقى نارىققا قاراعاندا، الدەقايدا ارتىق. الايدا، ەكونوم-كلاسستاعى جاڭا قۇرىلىستىڭ كوبەيىپ كەلەتىن  سانىنىڭ پايدالانۋعا ەنگىزىلۋىنە قاراي ترەند "7-20-25" باعدارلاماسىنىڭ پايداسىنا وزگەرۋى ءتيى"، - دەيدى "باسپانا" يپوتەكالىق ۇيىمى باسقارما ءتوراعاسىنىڭ ورىنباسارى رۇستەم قىدىقوۆ. 

ەسكە سالايىق، ەلباسىنىڭ تاپسىرماسىنا سايكەس قازاقستان رەسپۋبليكاسىنىڭ ۇلتتىق بانكى 2018 جىلعى ماۋسىمدا "7-20-25" باعدارلاماسىن ىسكە قوسقان. باعدارلاما ارقىلى جاڭادان سالىنعان قۇرىلىستان جىلدىق 7 پايىز مولشەرلەمەسىمەن، 20 پايىز جانە ودان جوعارى باستاپقى جارناسىمەن 25 جىلعا دەيىن كرەديتتەر بەرىلەدى. الايدا، سۇرانىس قارىز الۋشىلار اراسىندا پاتەردى قايتالاما نارىقتان ساتىپ الۋ قاجەتتىگى بار ەكەنىن كورسەتكەن. 2018 جىلعى قىركۇيەكتە جىلدىق 10،75 پايىز مولشەرلەمەسىمەن، 20 پايىز جانە ودان جوعارى باستاپقى جارناسىمەن جانە 15 جىلعا دەيىنگى كرەديتتەۋ تالاپتارىمەن "باسپانا حيت" ءونىمى ىسكە قوسىلعان.