شىعىس قازاقستان وبلىسىندا "قانيپا بىتىبايەۆانىڭ ۇستازدىق تۇلعاسى جانە پەداگوگ مارتەبەسى" اتتى رەسپۋبليكالىق عىلىمي-تاجىريبەلىك كونفەرەنسيا ءوتتى. وعان 400-گە جۋىق دەلەگات پەن قوناق قاتىسىپ، پىكىر الماستى.

كونفەرەنسيا بارىسىندا وقۋ ۇدەرىسىندە زاماناۋي ءبىلىم بەرۋ تەحنولوگيالارىن جەتىلدىرۋ، وقۋشىلاردىڭ ينتەللەكتۋالدىق جانە شىعارماشىلىق قاسيەتتەرىن دامىتۋ، پەداگوگ مارتەبەسىن كوتەرۋ سىندى ءبىرقاتار ماسەلەلەر كوتەرىلدى. سونداي-اق قانيپا بىتىبايەۆانىڭ ەڭبەكتەرى تۋرالى كەڭىنەن ايتىلدى.

– بۇل كونفەرەنسيادان رۋحاني ازىق الىپ قايتاتىندارىڭىزعا سەنەمىز. ۇستازداردىڭ ۇستازى اتانعان حان اپامىزدىڭ قۇرمەتىنە وراي وليمپيادا، عىلىمي جوبالار بايقاۋى وتەدى. بيىل بەسىنشى جىل قاتارىنان وبلىس اكىمدىگىنىڭ قولداۋىمەن قانيپا بىتىبايەۆا اتىنداعى وليمپيادا ءوتتى. وندا دارىندى وقۋشىلار انىقتالىپ، ماراپاتتالدى، – دەدى شىعىس قازاقستان وبلىسى ءبىلىم باسقارماسى باسشىسىنىڭ ورىنباسارى قاجىمۇقان وسپانعالييەۆ.

كونفەرەنسيا بارىسىندا ق ر ۇلتتىق عىلىم اكادەمياسىنىڭ كوررەسپوندەنت-مۇشەسى، پەداگوگيكا عىلىمدارىنىڭ دوكتورى فاۋزيا ورازبايەۆا، س.امانجولوۆ اتىنداعى شقمۋ-دىڭ پروفەسسورى ايجان كارتايەۆا، نۇر-سۇلتان قالاسىنداعى №72 مەكتەپ-ليسەيىنىڭ قازاق ءتىلى مەن ادەبيەتى ءپانىنىڭ ءمۇعالىمى جانار ادىلبەكوۆا بايانداما جاسادى.

– قانيپا ومارعالي قىزى قازاق ادەبيەتىن الەمگە تانىتتى. تالاي ءبىلىمدى شاكىرتتى تاربيەلەپ شىعاردى. ءبىز قانيپانىڭ ەڭبەكتەرىن جوعارى باعالايمىز. ونىڭ ۇستاز رەتىندەگى ورنى ەرەكشە، – دەدى فاۋزيا ورازبايەۆا.