قازاقستان پرەزيدەنتى قاسىم-جومارت توقايەۆ قىتايدىڭ CCTV تەلەارناسىنا سۇحبات بەردى دەپ حابارلايدى Qamshy.kz اقپارات اگەنتتىگى.
بۇل تۋرالى پرەزيدەنتتىڭ باسپا ءسوز قىزمەتىنىڭ جەتەكشىسى بەرىك ءۋالي Facebook جەلىسىندەگى پاراقشاسىندا جازدى.
"قازاقستان پرەزيدەنتى قاسىم-جومارت توقايەۆ قىركۇيەكتىڭ 11-12 كۇندەرىنە جوسپارلانعان قحر-عا مەملەكەتتىك ساپارى قارساڭىندا قىتايدىڭ CCTV تەلەارناسىنا سۇحبات بەردى.
مەملەكەت باسشىسى قازاق-قىتاي قاتىناستارىنىڭ دامۋ پەرسپەكتيۆالارىنا قاتىستى ءوزىنىڭ وي-پىكىرىمەن ءبولىستى. كۇن تارتىبىندەگى ەكىجاقتى ماسەلەلەردەن بولەك، قىتايلىق جۋرناليستەردى قاسىم-جومارت توقايەۆتىڭ قازىرگى حالىقارالىق قاتىناستارداعى قىتايدىڭ رولىنە، قحر-نىڭ 70 جىلدىق مەرەيتويى قارساڭىنداعى جەتىستىكتەرىنە بەرگەن باعاسى اسا قاتتى قىزىقتىردى. سونداي-اق، پرەزيدەنت وزگە دە جەكە ماسەلەلەرگە قاتىستى ساۋالدارعا جاۋاپ بەردى.
سۇحبات CCTV تەلەارناسىنىڭ ەفيرىنەن كورسەتىلەدى" دەلىنگەن جازبادا.
سۇحبات ءۇزىندىسىن تەلەارنانىڭ يۋتۋب جەلىسىندەگى ارناسىندا شىقتى.
پىكىر قالدىرۋ