التىنشى مامانداندىرىلعان حقكو جەتىسۋ اۋدانىنداعى اقسۋات كوشەسى، 118 مەكەنجايى بويىنشا ورنالاسقان «نۇرسات» بازارىندا جۇمىسىن باستادى، دەپ حابارلايدى Qamshy.kz اقپارات اگەنتتىگى اكىمدىكتىڭ باسپا ءسوز قىزمەتىنە سىلتەمە جاساي وتىرىپ. 

ونىڭ اشىلۋ راسىمىنە الماتى قالاسى اكىمىنىڭ ءبىرىنشى ورىنباسارى ەرلان قوجاعاپانوۆ، «ازاماتتار ءۇشىن ۇكىمەت» مەمكورپوراسياسى باسقارماسىنىڭ ءتورايىمى اسەمگۇل بالتاشيەۆا، وليمپيادا ويىندارىنىڭ چەمپيونى جاقسىلىق ۇشكەمپىروۆ قاتىستى.

حقكو مىنا قىزمەتتەر كورسەتىلەدى:

- كولىكتى مەملەكەتتىك تىركەۋگە الۋ؛

- كولىكتى مەملەكەتتىك تىركەۋدەن شىعارۋ؛

- مەرزىمىن بىتكەندە، تەگىن وزگەرتكەندە، جوعالتقاندا كولىك جۇرگىزۋ كۋالىگىن بەرۋ.

مۇندا كۇن سايىن 1 000–1 200 جۋىق ادامدارعا قىزمەت كورسەتىلەدى.

قۇجاتتار دۇيسەنبى مەن سەنبى كۇندەرى ارالىعىندا ساعات 9.00-دەن 18.00-گە دەيىن قابىلدانادى. دايىن قۇجاتتار كەشكى ساعات 20.00-گە دەيىن، تۇسكى ءۇزىلىسسىز بەرىلەدى.

ءدال وسى كۇنى الماتى وبلىسىنىڭ قاراساي اۋدانىندا دا مامانداندىرىلعان حقكو اشىلدى. «ازاماتتار ءۇشىن ۇكىمەت» مەمكورپوراسياسى باسقارماسىنىڭ ءتورايىمى اسەمگۇل بالتاشيەۆا حابارلاعانداي، اۆتوموبيليستەرگە قىزمەت كورسەتەتىن جاڭا بولىمدەردىڭ ورنالاسقان جەرلەرى تەككە تاڭدالعان جوق.

«ءبىز ساراپتاما جۇرگىزىپ، كولىك تىركەۋدىڭ نەگىزگى ترانزيتتەرى قاپشاعاي مەن قاراساي اۋدانىنىڭ ماڭى ەكەنىن انىقتادىق. سوندىقتان التىنشى مامانداندىرىلعان حقكو الماتى قالاسى مەن الماتى وبلىسىنىڭ شەكاراسى تۇيىسكەن جەردە جانە قاراساي اۋدانىنىڭ كەمەرتوعان سەلوسىندا اشۋدى ءجون كوردىك. ءبىزدىڭ بولجامىمىز بويىنشا جاڭا مامانداندىرىلعان حقكو الماتىداعى نەگىزگى №1 حقكو-نىڭ جۇكتەمەسىن نا 30%-عا ازايتۋعا مۇمكىندىك بەرەدى» – دەدى ءا. بالتاشيەۆا.