قالا اكىمدىگىنىڭ باسپا ءسوز ورتالىعىندا وتكەن بريفينگتە الاتاۋ اۋدانىنىڭ اكىمى شاحمەردەن رىسپايەۆ قالا باسشىسىمەن كەزدەسۋدە تۇرعىندار تاراپىنان ايتىلعان كوممۋنالدىق ماسەلەلەردىڭ شەشىلۋى تۋرالى ايتىپ بەردى.

Almaty.gov.kz سايتىنىڭ جازۋىنشا، الاتاۋ اۋدانىنا قاراستى 11 ىقشاماۋدانىندا، اتاپ ايتقاندا، «ايگەرىم»، «وجەت»، «14-تەرريتوريا»، «اقبۇلاق»، «شاڭىراق-5»، «سامعاۋ»، «كوكقاينار»، «قاراسۋ»، «شاپاعات»، «العاباس»، «بورالدايدا» سۋ قۇبىرى جانە كاناليزاسيا جەلىلەرىنىڭ قۇرىلىسى جۇرگىزىلۋدە. جالپى ۇزىندىعى – 333 شاقىرىم بولسا، سونىڭ ىشىندە اۋىز سۋ قۇبىرى – 180 شاقىرىم، كارىز جۇيەسى – 153 شاقىرىم.

سونداي-اق، قالا اكىمى ب. ساعىنتايەۆتىڭ تاپسىرماسى بويىنشا «ايگەرىم-1،2»، «دارحان-بايبەسىك»، «شاڭىراق-1،2»، «شاپاعات»، «وجەت»، «توميريس» جانە «بورالداي» ىقشاماۋداندارىنىڭ 65 كوشەسىندە جالپى ۇزىندىعى 60 شاقىرىم بولاتىن سىرتقى كوشە جارىعىنىڭ قۇرىلىسى جۇرگىزىلۋدە. جۇمىستاردى اياقتاۋ مەرزىمى اعىمداعى جىلدىڭ 14 قازانىنا جوسپارلانىپ وتىر.

بۇدانوزگە، «13-14 تەرريتوريا»، «قاراسۋ»، «دارحان»، «سامعاۋ»، «اقبۇلاق»، «شاڭىراق-2»، «ايگەرىم-1» جانە «وجەت» ىقشاماۋداندارىنىڭ 23 كوشەسىندە جالپى ۇزىندىعى 4،5 شاقىرىم بولاتىن ارىق جەلىلەرىن جوندەۋ جۇمىستارى جۇرگىزىلۋدە. جۇمىستار وسى جىلدىڭ 30 قاراشاسىنا دەيىن اياقتالماق. سونداي-اق يەسىز جەلىلەردى كوممۋنالدىق مەنشىككە بەرۋ جۇمىستارى جۇرگىزىلۋدە.

اۋدانداعى سوت شەشىمىنە سايكەس ەلەكتر جەلىسىنىڭ شامامەن 140 شاقىرىمى يەسىز دەپ تانىلدى. ءوز ۋاقىتىندا بۇل جەلىلەردى تۇرعىندار وزدەرى سالعان.

جەلىلەر قالامەن قىزمەت كورسەتۋشىلەر بالانسىنا وتكەننەن كەيىن اۋدان تۇرعىندارى جەلىلەردى جوندەۋمەن جۇمىس جاعدايىندا ۇستاۋ ءۇشىن ارتىق تولەمنەن قۇتىلىپ قانا قويماي، جالپى قالالىق تاريفتەر بويىنشا تولەم جۇرگىزەتىن بولادى.