حالقىنا قالتقىسىز قىزمەت ەتۋدىڭ وزىق ۇلگىسىن تانىتقان حح-نشى عاسىرداعى ارىستارىمىز تۋرالى عيبراتتى فيلمدەر جارىققا شىقتى. ارداقتى ارىستارىمىز تۋرالى فيلمدەردى «نازگۇل ابۋتراپوۆا» اتتى «ءۇouTube» ارناسىنان كورۋگە بولادى.

قاي زاماندا دا، قاي حالىققا بولسىن جەر مەن ءتىل ماسەلەسى قاسيەتتى دە كيەلى ۇعىم. ويتكەنى ۇلتتىڭ ساقتالۋىنا دا، جوعالۋىنا دا سەبەپ بولاتىن ەكى-اق نارسە بولسا، ول – جەرى مەن ءتىلى! وسى ەكەۋىن جوعالتقان جۇرتتىڭ ءوزى دە جوعالادى. قازاق ەلى ءۇشىن ازابى مەن عاجابى، سورى مەن باعى قاتار ورىلگەن حح-شى عاسىردى سارالايتىن بولساق، كەزەڭدەر تۋعىزعان قۇندى قۇبىلىستار مەن قايشىلىقتار قاراپايىم حالىقپەن قاتار، بيلىك باسىنداعىلاردىڭ دا تاعدىرىندا كورىنىس تاۋىپ جاتتى. 

«ۇلتىنىڭ ۇلەسىنە ۇلى قۇبىلىس جاساۋ جولىندا سول حح-شى عاسىردىڭ الىپتارى ءوز باسەكەلەستەرىنىڭ ءباسىن ءتۇسىرىپ، كەگىن قوزدىردى. كورە الماۋشىلىق قويسىن با، بيلىك بۇلاردىڭ ءبارىن ەندى جولىن كەسپەستەي ەتىپ، بيىك شىڭنان قۇزعا قاراي دومالاتتى ... بۇل الىپتاردىڭ قاتارىندا كىمدەر بار ەدى؟... فيلمدە وسى جونىندە ەرەكشە تولعانىسپەن ايتىلادى، حالقىمىزدىڭ ءىرى تۇلعالارى تۋرالى تاريحي دەرەكتەر مولىنان كەزدەسەدى» دەيدى دۇنيەجۇزى قازاقتارى قاۋىمداستىعىنىڭ باسپا ءسوز قىزمەتىنىڭ باسشىسى – حاتشىسى سىرىمبەك تولەۋ ۇلى.

سوناۋ 1920 جىلى قازاق جەرىنىڭ تۇتاستىعى جولىندا باسىن قاتەرگە تىگىپ ۆ.لەنينگە دەيىن بارعان، ءسويتىپ 5،5 ملن قازاق ۇلتى تۇرىپ جاتقان 3.467.922 شارشى شاقىرىم جەر كولەمىن بەكىتتىرىپ، ءوز ميسسياسىن ادال اتقارىپ شىققان نەبارى 29 جاستاعى ءالىمحان ەرمەكوۆ پەن الاش كوسەمدەرى بولدى. كەشەگى كەڭەستەر وداعىن حرۋششيەۆ باسقارعانداعى ەڭ زور ساياسي قاتەلىگى – قازاق دالاسىن سىناق الاڭىنا اينالدىرۋى مەن جەرىن بولشەكتەپ ماسكەۋگە باعىندىرعىسى كەلۋى، ال، مۇنايلى ايماعىن تۇركىمەنستان مەن ءازىربايجانعا، وڭتۇستىك ءوڭىردى وزبەكستانعا بەرە سالۋى سياقتى زۇلىمدىق يدەياسىنا اشىقتان-اشىق قارسى شىعىپ، ۇلتىنىڭ مۇددەسىن قولىنداعى بيلىكتەن دە بيىك قويعان نۇرتاس وڭداسىنوۆ، «كىسەندەۋلى جولبارىس» اتانعان جۇمابەك تاشەنيەۆ، جان باسپاعان جاپان دالامىزدىڭ قويناۋىنان «قارا التىننىڭ» قويماسىن اشقان قانىش ساتپايەۆ پەن شاحماردان ەسەنوۆتەر، سونداي-اق، «ازيانىڭ اساۋ جۇرەگى» اتانعان وسپان باتىر ەدى...

ەندەشە، وسى الىپتاردىڭ تەلەگەي-تەڭىز عۇمىر-دارياسى كينو تىلىندە كوپشىلىك حالىقپەن ديدارلاسۋعا دايىن!

دۇنيەجۇزى قازاقتارىنىڭ قاۋىمداستىعى ءتوراعاسىنىڭ ءبىرىنشى ورىنباسارى زاۋىتبەك تۇرىسبەكوۆ فيلم ءتۇسىرۋ يدەياسىن ۇسىنىپ، كەڭەسشىلىك كورسەتتى.

فيلمدەردىڭ اۆتورى – نازگۇل ابۋتراپوۆا.