الماتى وبلىسىنىڭ اكىمى اماندىق باتالوۆتىڭ يدەولوگيا جونىندەگى ورىنباسارى بولىپ باتىرجان بايجۇمانوۆ تاعايىندادى، دەپ حابارلايدى Qamshy.kz اقپارات اگەنتتىگى.
اكىمدىك سايتىنىڭ مالىمەتىنشە، باتىرجان بايجۇمانوۆ 1976 جىلى تۋعان. قازاق مەملەكەتتىك اگرارلىق ۋنيۆەرسيتەتىن جانە اباي اتىنداعى قازاق ۇلتتىق ۋنيۆەرسيتەتىن بىتىرگەن. ماماندىعى بويىنشا – عالىم اگرونوم، مەملەكەتتىك باسقارۋ مەنەدجەرى. 2008 جىلى "دەسەنتراليزاسيا" باعدارلاماسى ارقىلى ديۋكا ۋنيۆەرسيتەتىندە (اقش) ءبىلىم الدى.
ءار جىلداردا قازاقستان رەسپۋبليكاسى اۋىل شارۋاشىلىعى مينيسترلىگىندە، سول سياقتى ق ر پرەمەر-مينيسترى كەڭسەسىنىڭ اعا مامانى، ساراپشىسى، ق ر پرەزيدەنتى كەڭسەسىنىڭ اعا، باس ساراپشىسى، كونسۋلتانتى، ق ر پرەزيدەنتى اكىمشىلىگىنىڭ ينسپەكتورى، مەملەكەتتىك ينسپەكتورى، "كازاگرويننوۆاسيا" اق باسقارما ءتوراعاسىنىڭ ورىنباسارى، "ۇلتتىق اگرارلىق ءعىلىمي-بىلىم بەرۋ ورتالىعى" اق باسقارما ءتوراعاسىنىڭ ورىنباسارى قىزمەتتەرىن اتقارعان.
2017 جىلدىڭ ءساۋىر ايىنان – الماتى وبلىسى اكىمى اپپاراتىنىڭ باسشىسى بولعان.
الماتى وبلىسى اكىمى اپپاراتىنىڭ باسشىسى قىزمەتىنە تەمىرلان بەكتاسوۆ تاعايىندالدى. ول بۇعان دەيىن وبلىستاعى پانفيلوۆ اۋدانىنىڭ اكىمى قىزمەتىن اتقارعان.
پىكىر قالدىرۋ