پارلامەنت ءماجىلىسىنىڭ دەپۋتاتى گۇلجان قاراعۇسوۆا بيۋدجەت قاراجاتىن دۇرىس جۇمساۋدىڭ ماڭىزدىلىعىن ەسكە سالدى، دەپ حابارلايدى Qamshy.kz اقپارات اگەنتتىگى Sputnik قازاقستان سايتىنىڭ دەرەگىن نەگىزگە الىپ.

ونىڭ ايتۋىنشا، رەسپۋبليكالىق بيۋدجەتتەن قارجى تولىعىمەن بولىنەدى. بۇكىل قاراجات مينيسترلىكتەردىڭ سۇراۋى بويىنشا تاراتىلادى. الايدا بيۋدجەت قارجىسىن ءتيىمدى جۇمساۋ جانە يگەرۋ جاعىنان ءبىراز سۇراقتار بار. 

"ءبىز قانشا سۇراسا دا، بەرە سالامىز. الەمنىڭ بار اقشاسىن جۇمساۋعا دا بولادى. دەگەنمەن، وسى ورايدا ماڭىزدى ءبىر سۇراق تۋىندايدى. ودان نە وزگەرەدى؟ اقشانىڭ بولىنگەنىن ءار ازامات قالاي بىلەدى؟ حالىق جاعدايدىڭ جاقسارعانىن قايدان كورەدى؟ ءبىراز قاراجات ءبولىندى عوي. تاعى ەسكەرتەيىن، مەملەكەتتىڭ قارجىسى –  ءبىزدىڭ اقشامىز، ءبىزدىڭ سالىعىمىز. ءيا، اكىمدەر مەن تاعى باسقالارى سۇرايدى. ولاردىڭ دا ۇلەسى (سالىق تولەۋ بويىنشا - رەد. ) بار، ءبىراق كوپ ەمەس"، - دەدى قاراعۇسوۆا 2020-2022 جىلدارعا ارنالعان بيۋدجەتتى تالقىلاۋعا ارنالعان جيىندا.