اعىمداعى جىلى قالا كۇنىن مەرەكەلەۋ اياسىندا 24 تامىزدان 30 قىركۇيەككە دەيىن 67 ءىس-شارا جوسپارلانعان، ونىڭ ىشىندە جاڭا نىسانداردىڭ اشىلۋى، مادەني جانە سپورتتىق شارالار، كورمەلەر، اكسيالار جانە ت.ب.

ونىڭ 34ء-ى ءداستۇرلى بولىپ تابىلاتىن مادەني ءىس-شارالار. ولار: «كوك-توبە وپەرا» كلاسسيكالىق مۋزىكانىڭ حالىقارالىق فەستيۆالى، «وركەسترلەر فەستيۆالى» اشىق اسپان استىنداعى فەستيۆالى، «KITAP FEST» كىتاپ فەستيۆالى، «الما-اتا – مويا پەرۆايا ليۋبوۆ» مۋزىكالىق رەترو-فەستيۆالى، «الما Quest» ماسشتابتى قالالىق كۆەستى، «گاككۋ داۋىسى» قازاقستاندىق مۋزىكا فەستيۆالى، «Almaty Film Festival» حالىقارالىق كينوفەستيۆالى، «Aلما fest» قالالىق ءداستۇرلى الما فەستيۆالى.

15 قىركۇيەكتە قالا كۇنىن مەرەكەلەۋ اياسىندا – ماسشتابتى قالالىق «الما Quest» كۆەستى وتەدى. بۇل جۇمباقتار مەن قۇپيالارى، اڭىزدارى مەن تاريحى بار كوشەلەر مەن اۋداندارداعى ناعىز ساياحات.

الما Quest – ەكى كەزەڭگە بولىنگەن قالالىق ءىس-شارا، مۇمكىندىگى مەن ۋاقىتىنا بايلانىستى ءىس-شاراعا بارلىعى قاتىسا الادى:

تىركەلۋ جانە الدىن الا تەستىلەۋدەن ءوتۋ (مىندەتتى ەمەس) www.almاquest.kz سايتىندا، تەستىلەۋدەن ءوتۋ فينالدى ويىندا ۇپاي سانىن قوسۋعا مۇمكىندىك بەرەدى.

Alma Quest – بۇل ءبىر سەناريي بويىنشا بىرىكتىرىلگەن تاپسىرمالار تىزبەگى بار تاڭعاجايىپ جانە كوڭىلدى كوماندا سپورت ويىنى. ويىننىڭ ءمانى – قالاداعى وبەكتىلەردىڭ شيفرلانعان ورنىن مۇمكىندىگىنشە تەز تابۋ، بارلىق تاپسىرمالاردى دۇرىس ورىنداۋ، بىلىمدەرىڭدى جانە تەز ويلارىڭدى جانىپ، اقىرعى نۇكتەگە جەتۋ.

قاتىسۋ ەرەجەلەرى، باستالۋ جانە اياقتالۋ نۇكتەلەرى، ءىس-شارانىڭ وتەتىن ۋاقىتى، سونىمەن قاتار جۇلدە قورى مەن سىيلىقتار تۋرالى تولىق اقپارات www.almاquest.kz ۆەب-سايتىندا.

VI جىلسايىنعى «GAKKU داۋىسى» قازاقستاندىق ەسترادا فەستيۆالى، 2019 جىلعى 14 قىركۇيەكتە الماتىنىڭ «استانا» الاڭىندا وتەدى.

«Gakku داۋىسى» – بۇل جىل سايىن وتەتىن زاماناۋي قازاقستاندىق مۋزىكانىڭ فەستيۆالى. Gakku تەلەارناسى ۇيىمداستىرعان كونسەرت بارلىق تانىمال ارتىستەردى، اعا بۋىن ارتىستەرىنىڭ ەڭ جارقىن وكىلدەرىن جانە ءار ءتۇرلى مۋزىكالىق جانرلاردىڭ وكىلدەرىن ءبىر ساحناعا جينايدى.

2018 جىلى بەسىنشى مەرەيتويلىق فەستيۆال 200 000-عا جۋىق ادامدى جينادى جانە Gakku ارناسى مەن YouTube-تەگى تىكەلەي ەفيردىڭ ارقاسىندا الەمنىڭ تۇكپىر-تۇكپىرىندەگى كورەرمەندەر كونسەرتتى تاماشالاي الدى. حەدلاينەرى:   «ءان» تەلەشوۋىنىڭ ەكىنشى ماۋسىمىنا قاتىسۋىمەن اسا تانىمال بولعان ارتيست SayMo (مولدير ەسەنبەك).

Almaty Film Festival 14-20 قىركۇيەك ارالىعىندا وتەدى. اشىلۋ سالتاناتى حالىقارالىق دەڭگەيلى كينوجۇلدىزدارىنىڭ قاتىسۋىمەن رەسپۋبليكا سارايىندا وتەدى.

7 كۇن بويى ( 14-20 قىركۇيەك) ءۇش نەگىزگى الاڭدا 60 استام كورسەتىلىمدەر مەن ءىس-شارالار وتپەك:

Almaty Film District بيزنەس-فورۋمى، وندا كينويندۋستريا مەترلەرىنىڭ شەبەرلىك ساباقتارى، دوڭگەلەك ۇستەلدەر مەن Made in Almaty سەنارييلەرىنىڭ بايقاۋى وتەدى (وتەل Mercure Almaty City Center)؛

Chaplin Cinemas كينوتەاترلارى ءوز زالدارىن فەستيۆالدىڭ باسەكەگە قابىلەتتى ەمەس جانە باسەكەلەس ەمەس باعدارلامالارىنىڭ فيلمدەرىن كورسەتۋ ءۇشىن اشادى.

Chaplin Cinemas كينوتەاترلارىندا جاس جۇلدىزدار تمد-داعى ۋولت ديسنەي كومپانياسىمەن جانە ەۋروپالىق بالالار كينوسى قاۋىمداستىعىمەن بىرلەسىپ ۇيىمداستىرىلعان بالالار مەن وتباسىلىق كينولارعا ارنالعان باعدارلامانىڭ اشىلۋىنا وراي قىزىل كىلەممەن وتەدى.

كينوفەستيۆالدىڭ بيزنەس-ىس شارالارى فەستيۆال ورتالىعىنداعى   Mercure Almaty City Center وتەلىندە وتەدى.

كينوفەستيۆال اياسىندا بيزنەس-فورۋم وتەدى، وندا وتاندىق كينونى دامىتۋدىڭ كەلەشەگى، قازاقستاندىق فيلمدەردىڭ باسقا ەلدەرگە ەكسپورتى، بىرلەسكەن ءوندىرىس ماسەلەلەرى، كينەماتوگرافتىڭ الماتىنىڭ تۋريستىك الەۋەتىنىڭ دامۋىنا اسەرى تالقىلانادى.

باستى مەرەكەلىك ءىس-شارا – 5 قىركۇيەكتە تۇڭعىش پرەزيدەنت ساياباعىندا وتەتىن قالالىق «Aلما fest» الما فەستيۆالى.

پاركتىڭ اۋماعى شارتتى تۇردە 6 بەلسەندىك اۋماعىنا بولىنەدى:

- ءداستۇرلى مادەنيەتتى پاش ەتەتىن «قازاق اۋىلى» ەتنو-پاركى؛

- «Alma kids» بالالارعا ارنالعان ويىن-ساۋىق الاڭى؛

- بالمۇزداق فەستيۆالى؛

- ءدامتاتۋلارى بار الما ستريت-فۋدى مەن باربەكيۋ اۋماعى؛

- 55 شارۋا قوجىلىعىنىڭ قاتىسۋىمەن وتەتىن الما جارمەڭكەسى؛

- «Alma activ» جاستاردىڭ بەلسەندى دەمالىس اۋماعى.

15 قىركۇيەكتە ساعات 16.00-23.00 ارالىعىندا پانفيلوۆ كوشەسىندە (مەترو ستانساسىنىڭ الدىندا) «MusicQala» كونسەرتى وتەدى. بۇل جاس مۋزىكالىق توپتار مەن جاس ورىنداۋشىلاردىڭ قاتىسۋىمەن وتەتىن الماتى مۋزىكالىق فەستيۆالى.

بيىل 10-شى رەت، قازاقستاننىڭ بۇلب ۇلى اتانعان، كسرو مەن قازاقستاننىڭ حالىق ءارتىسى، سوسياليستىك ەڭبەك ەرى، كسرو مەن قازاقستاننىڭ مەملەكەتتىك سىيلىقتارىنىڭ لاۋرەاتى، اكادەميك بيبىگۇل تولەگەنوۆانىڭ 90-جىلدىعىنا وراي بيبىگۇل تولەگەنوۆانىڭ ح حالىقارالىق ۆوكاليستەر بايقاۋى وتەدى.

بايقاۋدىڭ ىرىكتەۋ تۋرى اباي ات. ماوبت تەاترىنىڭ كىشى زالىندا وتەدى. بايقاۋدىڭ اشىلۋ، جابىلۋ جانە فينالدى تۋرى اباي ات. ماوبت تەاترىنىڭ ۇلكەن ساحناسىندا وتپەك.

جاس وپەرا انشىلەرى وسى بايقاۋعا قاتىسۋ ءۇشىن كەڭ بايتاق قازاقستاننىڭ تۇكپىر-تۇكپىرىنەن، وزبەكستان رەسپۋبليكاسى، قىرعىز رەسپۋبليكاسى، رەسەي، باشقۇرتستان رەسپۋبليكاسى، قىرىم رەسپۋبليكاسى، تاجىكستان رەسپۋبليكاسى، جۇڭگو حالىق رەسپۋبليكاسى، مولدوۆا رەسپۋبليكاسى، ءازىربايجان رەسپۋبليكاسى، يتاليا، بولگاريا جانە مونعوليادان الماتىعا كەلەدى.

23 جانە 24 قىركۇيەكتە قالا كۇنىن مەرەكەلەۋ اياسىندا قۇرمانعازى ات. قازاق ۇلتتىق كونسەرۆاتوريانىڭ ۇلكەن كونسەرت زالىندا كامەرالى مۋزىكانىڭ «اۋەن fest» فەستيۆالى وتەدى.

فەستيۆالگە قازاقستاننىڭ جەتى ايماعىنان كەلگەن تالانتتى مۋزىكانتتار قاتىسادى.

«اۋەن Fest» رەسپۋبليكالىق فەستيۆال-بايقاۋى كامەرالىق كلاسسيكالىق مۋزىكانى قازاقستاندىقتار اراسىندا كەڭىنەن ناسيحاتتاۋ جانە جاس ونەرپازداردى وسى ونەرمەن تانىستىرۋ ماقساتىندا وتكىزىلىپ وتىر.

سونىمەن قاتار، قالانىڭ ءار اۋدانىندا مادەني شارالار وتەدى – كونسەرتتەر، جارىستار، سپورتتىق ەستافەتالار، مەرەكەلىك ساۋدا ۇيىمداستىرىلادى.

2-15 قىركۇيەك ارالىعىندا قالانى مەرەكەلىك بەزەندىرۋ ءۇشىن 45 انشلاگ، 1 دجامبا، 10 بيلبورد ءبىر ستيلدە بەزەندىرىلەدى. سونداي-اق، مەترو ستانسيالارى مونيتورلارىندا قالا كۇنىنە ارنالعان بەينەروليك ورنالاستىرىلادى.

سونىمەن قاتار، 12 قىركۇيەكتە تۇڭعىش پرەزيدەنت ساياباعىندا 8 دانا كىشى ساۋلەتتىك ۇلگى ورناتىلادى.