اۋداندا قوعامدىق قاۋىپسىزدىكتى قامتاماسىز ەتۋ ءۇشىن پوليسيانىڭ ۋچاسكەلىك پۋنكتتەرىنىڭ سانى ارتۋدا. بۇل تۋرالى جەتىسۋ اۋدانىنىڭ اكىمى ماقسات قيقىموۆ الماتى اكىمدىگىنىڭ باسپا ءسوز ورتالىعىندا وتكەن بريفينگتە ايتتى.

ول اۋداندا پوليسيانىڭ 11 ۋچاسكەلىك پۋنكتىنىڭ ورنالاسقانىن حابارلادى.

«قالا اكىمىنىڭ تاپسىرماسى بويىنشا «كوكجيەك» ىقشاماۋدانىنداعى 58ا ءۇي جانىنان №71 ۋپپ ءۇشىن جاڭا قوسالقى نىسان سالىندى. ونىڭ ءبىر بولىگىندە ۋچاسكەلىك ينسپەكتور وتباسىمەن تۇرادى. ەكىنشى نىسان №64 ۋپپ ءۇشىن ەسەنوۆ، كوشەسىندەگى 154/1 ءۇي جانىندا ورنالاسقان»، – دەدى م. قيقىموۆ.

بۇلاردان وزگە، تۇرعىنداردىڭ شاعىمدارى نەگىزىندە ستيحيالى ساۋدانى جويۋ جۇمىستارى جۇرۋدە. اعىمداعى جىلدىڭ جەتى ايى ىشىندە 476 حاتتاما تولتىرىلىپ، رۇقسات ەتىلمەگەن جەردە ساۋدا جاساعاندارعا 2،9 ملن تەڭگە ايىپپۇل سالىندى. تامىز ايىندا وسىنداي 88 حاتتاما تولتىرىلىپ، 138،8 مىڭ تەڭگەنىڭ ايىپپ ۇلى سالىنعان بولاتىن.