بيىلعى جىلى 305 اۋلانىڭ 244ء-ى اباتتاندىرىلادى. بۇل تۋرالى جەتىسۋ اۋدانىنىڭ اكىمى م. قيقىموۆ الماتى اكىمدىگىنىڭ باسپا ءسوز ورتالىعىندا وتكەن بريفينگتە حابارلادى.

اۋلا اينالاسىن اباتتاندىرۋ قالا اكىمى باقىتجان ساعىنتايەۆتىڭ مەگاپوليس تۇرعىندارىمەن وتكىزگەن كەزدەسۋلەرىندە ءجيى قويىلعان سۇراقتاردىڭ ءبىرى بولدى. قالا باسشىسىنىڭ تاپسىرماسى بويىنشا ۋاقىتى جانە جاۋاپتى ادامدار كورسەتىلگەن ناقتىلى جوسپار جاسالدى.

«اعىمداعى جىلى بارلىق اۋلالاردىڭ 80%-عا جۋىعىن اباتتاندىرامىز. قالعان 40-ى كەلەر جىلى قولعا الىنادى. اۋداندى جاسىلداندىرۋ بويىنشا اۋقىمدى جۇمىستار جۇرگىزەمىز»، – دەدى م. قيقىموۆ.

2019 جىلى رىسقۇلوۆ، ءسۇيىنباي داڭعىلدارىنىڭ، گامارنيك، قازىبايەۆ، ءبىرىنشىماي مۇناي بازاسى، سەرىكوۆ، بورالداي كوشەلەرى مەن «كوكجيەك»، «قۇلاگەر» ىقشاماۋداندارىنا، وماروۆ كوشەسى بويىنداعى سكۆەرگە، «گۇلدەر» پاركىنە جانە «قاپشاعاي تراسساسى – سولتۇستىك اينالما» جولايرىعى بويىنا 7،5 مىڭ اعاش وتىرعىزۋ جوسپارلانعان.

جالپى، اۋداننىڭ جاسىل قورى 220،6 مىڭ بىرلىكتەگى اعاشتاردى قۇرايدى. جاسىلداندىرۋ نورماسى بويىنشا 1 ادامعا 10 كۆ.مەتر ايماق – 58 مىڭ اعاش بىرلىگى كەرەك.