الماتى اكىمدىگىنىڭ باسپا ءسوز ورتالىعىندا وتكەن بريفينگتە جەتىسۋ اۋدانىنىڭ اكىمى ماقسات قيقىموۆ قازىرگى كەزدە اۋداننىڭ جارىقتانۋ دەڭگەيى 88،2%-دى قۇرايتىنىن ايتتى.

ونىڭ مالىمەتى بويىنشا، اۋداندا ۇزىندىعى 317 كم بولاتىن 10 055 جارىق كوزدەرى، 121 باسقارۋ شكافتارى قىزمەت كورسەتۋدە.

بيىلعى جىلى ەنەرگوتيىمدىلىك جانە ينفراقۇرىلىمدىق دامۋ باسقارماسى 61 مەكەنجاي بويىنشا 1473 سىرتقى جارىق نۇكتەلەرىن جۇرگىزۋدە.

«الماتى اكىمى باقىتجان ساعىنتايەۆتىڭ تاپسىرماسى بويىنشا كوشە جارىعىن ورناتۋدا اۋقىمدى جۇمىستار جۇرۋدە. اۋداندى تولىق جارىقتاندىرۋ ءۇشىن اعىمداعى جىلى 60 مەكەنجايعا 1181 جارىق نۇكتەسىن ورناتۋدىڭ جسق ازىرلەنەدى. ال، بۇل اۋداننىڭ كوشە جارىعىن تولىق قامتاماسىز ەتەتىن بولادى»، – دەدى م. قيقىموۆ.

بۇلاردان وزگە، اۋداننىڭ جانە جاسىل ەكونوميكا باسقارماسىنىڭ كۇشىمەن 9،5 كم ارىق جەلىلەرى سالىندى جانە جوندەلدى.

22 مەكەنجاي، ونىڭ ىشىندە رايىمبەك، ءسۇيىنباي، رىسقۇلوۆ داڭعىلدارى مەن كوكجيەك ىقشاماۋدانىندا، «الماتى-2» ماڭىندا ارىق جەلىلەرىن سالۋدىڭ جسق ازىرلەۋگە ءوتىنىش بەرىلدى. قازىرگى كەزدە ارىق جەلىلەرىنىڭ ۇزىندىعى 100 كيلومەتردى قۇرايدى.