ساناۆار زاكيروۆا سوڭعى كەزدەرى قوعام نازارىن وزىنە اۋدارىپ، سوت جۇيەسىنە قاتىستى نەگىزسىز سىني پىكىرلەر ايتۋدا.
ونىڭ ازاماتتىق زايىبى – رەسيديۆيست ءالىمجانوۆ 2008 جىلى ادامدار توبىمەن الدىن-الا ءسوز بايلاسىپ، كۇش قولدانۋ ارقىلى توناۋ، 2010 جىلى – توپتاسىپ قورقىتىپ الۋ قىلمىستارىن جاساعانى ءۇشىن سوتتالعان.
2017 جىلى ول اسا ءىرى مولشەردەگى ەسىرتكى زاتىن زاڭسىز ساتىپ العانى، ساقتاعانى جانە تاسىمالداعانى ءۇشىن بەس جىلعا سوتتالعان.
قىلمىستىق ارەكەت جاساۋ بارىسىندا ول زاكيروۆاعا تيەسىلى «Hyundai Elantra» اۆتوكولىگىندە بولعان. وسى رەتتە ءالىمجانوۆ ەسىرتكىدەن وتە ماساڭ كۇيدە كولىك باسقارىپ، ادامداردىڭ ءومىرى مەن دەنساۋلىعىنا ءقاۋىپ توندىرگەن.
ساناۆار زاكيروۆا «كولىكتى سوت شەشىمىنسىز تارتىپ الدى» دەگەن اقپارات تاراتۋدا. بۇل شىندىققا سايكەس كەلمەيدى.
ءالىمجانوۆقا قاتىستى ۇكىم 2017 جىلعى 29 ماۋسىمدا شىقتى. وسى شەشىممەن زاكيروۆانىڭ اۆتوكولىگى ق ر قىلمىستىق پروسەستىك كودەكسىنىڭ 118-بابىنىڭ تالاپتارىنا سايكەس قىلمىس قۇرالى دەپ تانىلىپ، تاركىلەندى.
زايىبى قىلمىستىق ماقساتتا پايدالانعان اۆتوكولىكتى زاكيروۆا قايتارىپ بەرۋدى تالاپ ەتۋدە.
جوعارعى سوتتىڭ كاسساسيالىق القاسىنىڭ قاراۋىندا نە زاكيروۆادان، نە ءالىمجانوۆتان سوت اكتىلەرىن قايتا قاراۋ تۋرالى ءوتىنىشحات بولعان جوق.
زاكيروۆا جوعارعى سوتتان ەشكىم ونى قابىلداعان جوق دەپ مالىمدەدى. بۇل دا شىندىققا ساي كەلمەيدى.
اعىمداعى جىلدىڭ 1 تامىزىندا جوعارعى سوت حاتشىلىعىنىڭ وكىلى ونىڭ ۇيالى تەلەفونىنا حابارلاسىپ، جوعارعى سوت ءتوراعاسىنىڭ جەكە قابىلداۋىنا جازىلۋدى ۇسىنعان. الايدا زاكيروۆا قابىلداۋعا كەلۋدەن باس تارتقان.
زاكيروۆانىڭ بۇل ارەكەتتەرى سوتتا جەڭىلىس تاپقان باسقا ازاماتتاردى جاڭىلىستىرۋدى، جەكە مۇددەسى ءۇشىن ولاردى زاڭسىز جاريا اكسيالارعا شاقىرۋدى كوزدەيتىنىن ايعاقتايدى.